Spennið heldur betur beltin því að á næstunni munum við færa okkur yfir á 10xOfurhraða. Þjónustan verður í boði yfir bæði kerfi Ljósleiðarans og Mílu

Á 10xOfurhraða munum við bjóða bæði heimilum og minni fyrirtækjum tækifæri á að hækka nethraðann sinn úr 1Gb/s í allt að 10 Gb/s - það er mikill hraði!

Frá og með 1.október munu heimili og fyrirtæki geta þotið af stað á 10xOfurhraða. Er þitt heimili með upprennandi tölvuleikjastjörnur sem vilja ekkert nema mesta hraðann og ekkert lagg? Eða er fyrirtækið að taka á móti og senda frá sér stórar skrár og þú vilt ekkert nema mesta niðurhalið? Þá er 10xOfurhraði klárlega spennandi kostur fyrir þig!

En til þess að einfalda hlutina, þá getur þú skoðað spurningalistann hér fyrir neðan og kynnt þér málið enn fremur. Ef þú telur að þú sért klár í 10xOfurhraðann, þá getur þú smellt hér og fyllt út formið og við förum yfir málin með þér.

Hvað er 10x?
10x er skref inn í framtíðina fyrir heimili og fyrirtæki sem vilja enn meiri hraða með ljósleiðaratengingu. Heimili í dag ná allt að 1 gígabæt (gb) hraða með ljósleiðara enn með þessari nýju tengingu getur sá hraði orðið allt að 8,6 gb.

Get ég tengst?
10x verður í boði frá og með 1. október á höfuðborgarsvæðinu. Til að byrja með geta heimili og fyrirtæki í póstnúmerum 103, 105 og 108 fengið 10 gb tengingu og mun svæðum síðan fjölga hratt og þétt. Aðrir viðskiptavinir fyrir utan áður uppgefin póstnúmer á höfuðborgarsvæðinu geta fengið 2,5 gb hraða frá og með 1. október.

Athygli er vakin á því að skipta þarf út búnaði sama hvort um 10 gb eða 2,5 gb hraða sé að ræða. Hér getur þú séð þína tengimöguleika.

Get ég nýtt mér meiri hraða með 10x?
Símtæki, tölvur, sjónvörp og önnur nettengd tæki styðja almennt ekki við þennan mikla hraða. Það er því ósennilegt að hefðbundin heimili geti nýtt sér 10x strax. 10x er því í raun aðeins skref inn í framtíðina. Með aukinni tækniþróun til framtíðar munu nýjustu tækin hins vegar styðja hraðann.

Fyrir hverja er 10x?
10x er spennandi lausn fyrir notendur og viðskiptavini Vodafone. Lausnin mun svara þörfum stórnotenda, einstaklinga og fyrirtækja sem þurfa mjög mikið upp- og niðurhal.

Hvað kostar 10x?
Við erum að vinna í að verðleggja vöruna. Skráðu þig hér og við höfum samband við þig á næstu dögum.

Hvað þarf að gera til að fá 10x?
Í öllum tilfellum þarf tæknimaður að koma og skipta um ljósleiðarabox. Einnig þarf að skipta út endabúnaði þar sem núverandi endabúnaður styður ekki meira en 1 gb. Svo hægt sé að ná fullum hraða þarf í einhverjum tilfellum að uppfæra innanhússlagnir yfir í CAT 6 netkapal.