Allt það sem við óskum okkur í ár eru Jólagestir Björgvins, metnaðarfyllstu og skemmtilegustu jólatónleikar landsins. Síðustu 14 ár hefur Björgvin Halldórsson fært okkur jólin með stæl og boðið til sín skærustu söngstjörnum landsins til að töfra fram sannkallaða jólastemningu. 

Tónleikarnir í ár fara fram laugardaginn 18. desember í Laugardalshöllinni og hefur Björgvin að vanda handvalið landslið söngvara, besta bandið, strengi, kóra, dansara og óvæntar uppákomur. Öll umgjörðin verður eins og áður að sjálfsögðu á heimsmælikvarða. Tónleikanir hefjast kl. 21:00 og er miðaverðið 5.990 kr.

Gestir Björgvins í ár eru

• Eyþór Ingi
• Gissur Páll
• Högni Egils
• Jóhanna Guðrún
• Margrét Rán
• Stefanía Svavars
• Svala
• Sverrir Bergmann

Ásamt þeim koma fram Stórsveit Jólagesta undir stjórn Þóris Baldurssonar, strengjasveit undir stjórn Geirþrúðar Ásu Guðjónsdóttur, Reykjavík Gospel Company undir stjórn Óskars Einarssonar, Karlakórinn Fóstbræður undir stjórn Árna Harðarssonar, Barnakór Kársnesskóla undir stjórn Álfheiðar Björgvinsdóttur og dansarar úr Dansskóla Sigurðar Hákonarsonar.

Einnig koma fram sigurvegarar í Jólastjörnunni 2021 og Jólalagakeppni Rásar 2. Þættirnir Leitin að Jólastjörnunni verða sýndir í Sjónvarpi Símans en þar geturðu fylgst með upprennandi söngstjörnum Íslands keppa um að verða Jólastjarna ársins.

Leiðbeiningar um kaup

Hvernig kaupi ég tónleikana í gegnum myndlykil frá Vodafone?

• 1. Með því að ýta á rauða hnappinn með Vodafone merkinu á fjarstýringunni og fara þannig í valmynd á myndlykli. Þar ættu tónleikarnir að birtast undir Viðburðir ef flett er örlítið niður í valmynd.
• 2. Velja viðburðinn, samþykkja skilmála og staðfesta kaup.
• 3. Með því að staðfesta kaup virkjast tímabundin opnun á rás 900. Þú gætir þurft að endurræsa myndlykilinn þinn.
• 4. Viðburðinn verður aðgengilegur á rás 900 og mun sú rás opnast fljótlega eftir að kaup hafa verið kláruð.
• 5. Kaupin munu birtast á fjarskiptareikningi þínum um næstu mánaðamót.

Hvernig horfi ég á tónleikana í Stöð 2 appinu?

• 1. Það þarf að fara inn á vefsjónvarp Stöðvar 2 og skrá sig þar inn með sama aðgang og notaður er í appinu.
• 2. Tónleikarnir eru undir Viðburðir á forsíðunni í valmyndinni.
• 3. Tónleikarnir verða aðgengilegir á rásinni „Jólagestir Björgvins“ í Stöð 2 appinu. Hún opnast á tónleikadeginum.

Spurt og Svarað

Get ég spólað til baka eða pásað útsendinguna í myndlykli Vodafone?
Já, hægt er að spóla til baka og pása á meðan útsendingu stendur.

Hvar get ég fengið tæknilega aðstoð sem varðar myndlykil Vodafone?
Þú getur haft samband við þjónustuver Vodafone hér.

Verða tónleikarnir aðgengilegir í tímavél í myndlykil Vodafone?
Já, þeir verða aðgengilegir í 48 klst eftir að tónleikum lýkur 18. desember í gegnum tímavél Vodafone í myndlykli. Eftir það verður ekki hægt að horfa á tónleikana.

Verða tónleikarnir aðgengilegir í tímavél í Stöð 2 appinu?
Nei, tónleikarnir verða ekki aðgengilegir í gegnum tímaflakk í Stöð 2 appinu.

Get ég notað Stöð 2 appið?
Já, hægt verður að horfa á tónleikana í gegnum appið með því að kaupa miða á sjonvarp.stod2.is. Rásin „Jólagestir Bjögvins“ mun opnast á tónleikadag í Stöð 2 appinu. Sjá nánari leiðbeiningar ofar í þessari frétt.

Get ég keypt miða í gegn um myndlykilinn minn?
Já, viðburðurinn ætti að birtast í viðmóti í myndlykli. Sjá nánari leiðbeiningar um kaup á viðburði með myndlykli ofar í þessari frétt.