Vodafone tekur þátt í söfnunarþætti SÁÁ, Fyrir fjölskylduna sem sýndur verður í Ríkissjónvarpinu föstudaginn 4. desember næstkomandi kl. 19:40.

Við munum sjá söfnuninni fyrir traustri og áreiðanlegri fjarskiptaþjónustu og mun starfsfólk okkar ásamt sjálfboðaliðum frá SÁÁ taka á móti söfnunarsímtölum. Yfir 26 þúsund einstaklingar hafa komið í meðferð til SÁÁ og annar eins fjöldi aðstandenda hefur sótt sér stuðning og þjónustu á göngudeildum. Nú bíða um 540 manns eftir aðstoð við áfengis- og vímuefnavanda. Það er ljóst að starfið sem unnið er hjá samtökunum er gríðarlega mikilvægt bæði fyrir sjúklinga og ekki síður börn og aðra aðstandendur.

Við erum bæði stolt og ánægð að geta stutt við samtökin með þessum hætti og vonumst til að landsmenn sameinist, hringi inn og styrki SÁÁ svo þau geti áfram sinnt sínu mikilvæga starfi fyrir sjúklinga, fjölskyldur þeirra og samfélagið okkar.