Almennt
Er hægt að flytja símaskrána milli SIM korta?

Þegar skipt er um SIM kort er hægt að biðja starfsfólk verslana Vodafone að færa upplýsingarnar sem eru vistaðar á gamla SIM kortinu yfir á nýja SIM kortið. Þannig færast allar upplýsingar úr símaskránni yfir á nýja SIM kortið.

Einnig er hægt að afrita símaskrána af gamla SIM kortinu yfir á það nýja beint í GSM símanum með því að afrita upplýsingar um tengiliði af gamla SIM kortinu yfir á minni símtækisins og þaðan yfir á nýja SIM kortið. Fer það eftir símtækinu hvernig þetta er gert, en fyrir flest símtæki þá er þetta gert svona:

Valmynd - Símaskrá - Afrita, svo þarf að velja alla tengiliði og færa yfir á minni símans.

Hvað á að gera ef SIM kortið glatast?

Ef SIM kort glatast er mikilvægt að tilkynna það sem fyrst til að koma í veg fyrir misnotkun. Viðskiptavinur ber ábyrgð á SIM kortinu og notkun þess þar til tilkynnt hefur verið um að það hafi glatast.

Upplýsingar sem aðeins voru vistaðar á SIM kortinu tapast ef kortið týnist.

Fyrstu viðbrögð er að tilkynna kortið til Vodafone, annað hvort í síma 1414, með tölvupósti á vodafone@vodafone.is eða á netspjallinu okkar. Því næst er hægt að koma í verslun okkar og fá nýtt simkort. Til að fá afhent simkort þarf rétthafi símanúmersins að koma og hafa meðferðis skilríki.

Er hægt að finna týnt eða stolið símtæki?

Vodafone framkvæmir leit að símtækjum hafi kæra verið lögð fram hjá lögreglu. Sé kæra skráð hjá lögreglu er hægt að gera tvennt: Annars vegar bíða eftir því að lögreglan sendi skýrsluna áfram á öll símafélögin. Viðbrögð lögreglu fara yfirleitt eftir umfangi málsins, en hratt er brugðist við þar sem um innbrot eða þjófnað er að ræða. Hins vegar er hægt að óska eftir uppflettingu símtækis hjá hverju símafélagi fyrir sig.

Viljir þú óska með þessum hætti eftir leit að símtæki í okkar kerfum þarftu að afhenda okkur afrit af kæru til lögreglu (eyðublað sem fæst hjá þeim) og verður málsnúmer hjá lögreglu að koma fram á eyðublaðinu. Hin símafélögin bjóða upp á sams konar þjónustu, en rétt er að ítreka að sé síminn í notkun á Íslandi þarf að leita hjá hverju félagi fyrir sig til að finna tækið. Sá sem óskar leitar verður að hafa náð 18 ára aldri. Hjá Vodafone nær leitin yfir mánaðar tímabil.

Sé tækið í notkun erlendis er engin leið að rekja það.

Til að hægt sé að rekja símann þarf að framvísa IMEI númeri hans. Númerið er á kvittun sem afhent var þegar tækið var keypt og einnig á umbúðunum sem fylgdu símanum upphaflega. Hafi tækið verið keypt hjá Vodafone er hægt að fletta IMEI númeri upp í verslunum okkar.

Rétt er að árétta að beri leitin árangur er farsímafélögunum ekki heimilt að afhenda upplýsingar um notkun símans til eiganda hans, heldur fara upplýsingarnar til lögreglu, sem vinnur úr þeim á viðeigandi hátt.

Svör um árangur í leit eru veitt með SMS og tölvupósti, en ávallt er svarað formlega í sérstökum reikningi sem sendur er út vegna leitarinnar.

Get ég fengið nýtt SIM kort á sama símanúmer?

Ef SIM kort glatast eða skemmist þá er alltaf hægt að koma við í einni af verslunum Vodafone, fá nýtt SIM kort og halda gamla símanúmerinu.

Nýtt kort kostar 500 kr og nauðsynlegt er að framvísa skilríkjum við afhendingu í verslun.

Einnig er hægt að opna aftur fyrir glatað SIM kort í verslun gegn framvísun skilríkja.

Hvert er númer skeytamiðstöðvar?

Númer skeytamiðstöðvar á að vera +3546999099 í viðeigandi stillingum fyrir viðskiptavini okkar.

Aðgerðir
Hvernig virkar talhólf?

Talhólf er símsvari sem hægt er að stilla til þess að taka á móti skilaboðum þegar: slökkt er á símanum, hann utan þjónustusvæðis eða er á tali.

Til að stilla talhólfið þarf að hringja í 1415. Uppsetning talhólfsins felur í sér að slá inn nýtt aðgangsnúmer og lesa inn ávarpið. Ávarpið er það sem fólk heyrir þegar það hringir í símanúmerið og símtalið er flutt í talhólfið.

Tilkynning um ný skilaboð í talhólfinu berast með SMS skilaboðum.

Það kostar ekkert að hringja í talhólfsnúmerið 1415 til að hlusta á skilaboðin.

Einnig er boðið upp á Hver Hringdi? þjónustuna. Hún virkar þannig að þegar hringt er í símann þegar hann er á tali, ekki er svarað eða hann utan þjónustusvæðis þá fær eigandi hans skilaboð með SMS um að reynt hafi verið að ná í hann. Það kostar ekkert að vera með Hver Hringdi? þjónustuna.

Athugið að ekki er hægt að hafa bæði talhólf og Hver Hringdi? þjónustuna á sama tíma.

Hægt er að slökkva á bæði talhólfi og Hver hringdi? þjónustunni með því að hringja í númerið ##002# úr símanum. Við mælum með því að slökkva á talhólfi þegar ferðast er erlendis, þar sem það getur verið kostnaðarsamt.

Hvernig stilli ég flutning í talhólf?

Þrjár leiðir eru mögulegar til að stilla símtalsflutning í talhólf:

1) Einfaldast er að stilla símtalsflutning, m.a. í talhólf, á Mínum síðum á Vodafone.is . Talhólfsnúmerið er 6200200.

2) Einnig er hægt að fara í stillingar („Settings“ á ensku) flestra tegunda síma og stilla símtalsflutning (Call Forwarding) þar. Til að flytja símtal í talhólfið slærðu inn símanúmerið +3546200200.

3) Til þess að flytja símtöl í talhólf má einnig slá inn eftirfarandi kóða sem virka fyrir allar tegundir síma.

Þegar ekki er svarað í farsímann: *61*+3546200200#hringja

-Þjónustan aftengd: #61#hringja

Þegar slökkt er á símanum: *62*+3546200200#hringja

-Þjónustan aftengd: #62#hringja

Þegar er á tali: *67*+3546200200#hringja

-Þjónustan aftengd: #67#hringja

Öll símtöl flutt beint í talhólf: *21*+3546200200#hringja

-Þjónustan aftengd: #21#hringja

Hægt er að velja hversu langur tími líður þar til símtal flyst í talhólfið ef ekki er svarað.

Talhólfið svarar innan – tímalengd breytt: *61*+3546200200**5, 10, 15, 20, 25 eða 30 (sekúndur)#hringja. Ef þú velur ekki sérstaka tímalengd flyst símtalið eftir 15 sekúndur.

Til þess að slökkva á öllum flutningum: ##002#

Hvernig stilli ég símtalsflutning / hringiflutning?

1. Símtalsflutningur ef ekki er svarað:

Flutningur tengdur, velja: *61*símanúmer# sem á flytja símtölin í.
Dæmi: *61*5123456#

Flutningur aftengdur, velja: #61#

Ef engin tímalengd er stillt sem á að líða áður en símtal flyst þá flyst símtalið eftir 15 sekúndur. (u.þ.b 4 hringingar).

Ef annarrar tímalengdar er óskað er slegið inn: *61* símanúmer* (sekúndur) #

Sekúndur = tíminn sem á að líða áður en símtal flyst.

Tímalengdin getur verið 5, 10, 15, 20, 25 eða 30 sekúndur.

Dæmi: *61*5123456*25#, við þetta flyst númerið í 512 3456 eftir 25 sekúndur.

2. Hringiflutningur – allar hringingar

Flutningur tengdur: *21*símanúmer #

Flutningur aftengdur, velja: #21#

Dæmi: *21*5123456#, við þetta flytjast allar hringingar úr númerinu í 512 3456

3. Hringiflutningur – þegar er á tali

Flutningur tengdur: *69*símanúmer#

Flutningur aftengdur, velja: #67#

Dæmi: *69*5123456#, við þetta flytjast öll símanúmer úr númerinu í 512 3456

4. Flutningur á SMS

Skrá SMS flutning: **21*farsímanúmer hjá Vodafone sem á að áframsenda í*16#, og velja "hringja"

Afskrá SMS fluting: ##21**16#, og velja hringja.

Virkja SMS flutning: *21**16#, og velja hringja.

Afvirkja SMS flutning: #21**16#, og velja hringja.

Skoða SMS flutning: *#21**16#, og velja hringja.

Einnig er hægt að stilla hringiflutning á Mínum síðum fyrir farsíma.

Hægt er svo að slökkva á öllum flutningum með: ##002#

Hvernig blokka ég númer?

Hægt er að loka á innhringingar frá stökum númerum, t.d. til þess að koma í veg fyrir áreiti.

Android og iPhone: Veldu "Stillingar" og því næst "Símtal". Þar má finna "Hafna símtali" möguleikann.

Símtal bíður/call waiting.

Hægt er að svara annarri símhringingu á meðan talað er í símann. Stutt hljóðmerki heyrist ef hringt er meðan á símtali stendur, þá er boðið upp á að geyma það símtal á meðan næsta er svarað. Einnig er hægt að ljúka núverandi símtali og fá þá beint samband við þann sem hringir.

Þjónustan tengd: *43#hringja

Þjónustan aftengd: #43#hringja

Einnig er hægt að stilla þessa þjónustu í símanum sjálfum en það er misjafnt eftir símtækjum.

Hvernig á að panta læsingu á símanúmer?

Viðskiptavinir geta pantað læsingar á símanúmer með því að hringja í þjónustuver Vodafone í síma 1414 úr númerinu sem á að setja læsingarnar á.

Af öryggisástæðum er ekki hægt að taka læsingar af í gegnum símann og verður því að framvísa skilríkjum í verslun til að taka læsinguna af.

Hvernig get ég fengið PUK númer?

Ekki er hægt að fá PUK númer uppgefið fyrir óskráð símanúmer. Notendur óskráðra frelsisnúmera þurfa að koma í verslun, sýna skilríki og skrá símanúmerið sitt til að fá PUK.

Ef símanúmer er skráð á fyrirtæki geta aðeins skráður notandi eða skráður tengiliður fyrirtækisins fengið uppgefið PUK.

RED
Hvað er RED Family?

Viðskiptavinur með Vodafone RED getur boðið sinni fjölskyldu að fá ótakmörkuð símtöl og SMS í alla íslenska farsíma og heimasíma með því að skrá þau í RED Family áskrift. Greitt er hóflegt mánaðargjald fyrir hverja RED Family áskrift og deilir hún gagnamagninu með aðaláskriftinni. Svo deila RED og RED Family númerin inniföldum útlandamínútum. RED númerin deila jafnframt því gagnamagni sem bætist við ef gagnamagn mánaðarins klárast.

Hvað er RED Young?

Ef þú ert með RED farsímaáskrift geta börn þín og ungmenni undir 25 ára fengið RED Young án aukakostnaðar. Í RED Young hringja þau og senda SMS fyrir 0 kr. í alla farsíma og heimasíma á Íslandi. Að auki fylgir 1 GB gagnamagn sem endurnýjast mánaðarlega. Hægt er að kaupa meira gagnamagn hér á Vodafone.is , í Vodafone appinu eða í 1414.

Fyrir hverja Vodafone RED áskrift má fá tíu RED Young áskriftir fyrir ungmenni undir 25 ára, sem þýðir að svo til allir íslenskir foreldrar ættu að geta veitt öllum börnum sínum og ungmennum undir 25 ára aldri ótakmörkuð símtöl og SMS án viðbótarkostnaðar!

Hvað er RED Data?

Með Vodafone RED getur þú fengið RED Data gagnakort og á einfaldan hátt bætt spjaldtölvunni og öðrum 3G /4G tækjum heimilisins við Vodafone RED áskriftina.

Í Vodafone RED er ekkert mánaðargjald fyrir slík kort (óháð fjölda).

Gagnakortin sem þannig er bætt við Vodafone RED áskriftarleiðina nota gagnamagnið sem er í RED áskriftarleiðinni.

Notar fjölskyldan öll sama gagnamagnið?

Já, ef fjölskyldan skráir sig í Vodafone RED og RED Family deilir hún samanlögðu gagnamagni áskriftarleiðanna. Ef innifalið gagnamagn klárast fá þau aukalega gagnamagn á hagstæðu verði. Athugið að þeir sem eru í RED Young samnýta ekki gagnamagnið, heldur kaupa það sérstaklega.

Sonur minn er með lögheimili hjá móður sinni, get ég fengið RED Family kort fyrir hann?

Já, ef þú ert greiðandinn af hans þjónustu.

Þjónustan er ekki háð öðrum skilyrðum en þeim að númerið sé á sama reikningi (og því sami rétthafi), ekki þarf að vera innan sömu fjölskyldukennitölu eða með sama lögheimili. Athugaðu - ef barn þitt er undir 25 ára aldri getur það fengið RED Young .

Við erum ekki skráð í sambúð, getum við þá ekki fengið RED Family?

Jú, ef það er sami greiðandi af númerunum á Vodafone RED leiðinni og RED Family þá er það í lagi.

Þarf öll þjónusta að vera skráð á sama aðilann eða er nóg að við séum innan sömu fjölskyldukennitölu?

Einu skilyrðin er að sami greiðandinn sé af allri þjónustu sem tilheyrir Vodafone RED áskriftarleiðinni, þ.e. öll áskrift hvort sem er RED, RED Family eða RED Data þarf að vera með sama greiðanda og þ.a.l. á sama reikningi.

Helst Krakkafrelsi sem ég er að veita mínu barni óbreytt við að færa mig í Vodafone RED?

Krakkafrelsi breytist í RED Young ef þú færir áskriftarnúmer í RED. RED Young fæst án endurgjalds fyrir allt að tíu númer fyrir hverja RED áskrift. Í RED Young fær barnið ótakmarkaðar mínútur og SMS auk 50 MB á mánuði.

Er takmarkaður fjöldi á RED Family eða RED Data kortum á fjölskyldu?

Þú getur bætt allt að 10 fjölskyldumeðlimum inn á RED Family eða RED Data og þannig deilt gagnamagninu. Eina skilyrðið er að þjónustan sé á sama reikningi (og því með sama rétthafa).

Ótakmarkaðar mínútur og SMS, er þetta í alvöru algjörlega ótakmarkað? Er ekkert í smáa letrinu?

Já þetta eru ótakmarkaðar mínútur og SMS í íslensk kerfi, farsíma og heimasímanúmer. Önnur gjaldskyld númer (t.d. 118) og 900-númer er greitt fyrir skv. viðeigandi verðskrá.

Mínútur, SMS og gagnamagn gildir ekki í reiki (þ.e.a.s. þegar þú ferðast til útlanda).

Get ég keypt aukagagnamagnspakka?

Nei, það er ekki í boði að kaupa gagnamagnspakka en um leið og þinn pakki er búinn færðu viðbótargagnamagn á hagstæðu verði. Nánari upplýsingar má finna á verðskrársíðu farsíma.

Hvernig fylgist ég með gagnamagnsnotkuninni minni?

Besta leiðin til að fylgjast með gagnamagnsnotkuninni er að nota Vodafone appið og Mínar síður á Vodafone.is.

Vodafone sendir tilkynningar með SMS þegar gagnamagnsnotkun er meiri en innifalið er í áskriftinni, en athugið að sú þjónusta er ekki í rauntíma enn sem komið er og því geta liðið nokkrir dagar frá því að farið er umfram innifalið gagnamagn mánaðar þangað til SMS er sent.

Er hægt að stilla þak á gagnamagnsnotkun hvers númers?

Nei, sem stendur er ekkert hægt að stilla notkunina niður á hvert númer eða setja þak á gagnamagn áskriftarinnar. Eftir sem áður er hægt að stilla þak á gagnamagn á ferðalögum erlendis, en sú þjónusta er ekki bundin við Vodafone RED áskriftarleiðina.

Get ég verið á Vodafone RED og maðurinn minn í Vodafone SMART og hann nýtt gagnamagnið mitt?

Nei, aðeins er hægt að samnýta gagnamagn ef annað númerið er í Vodafone RED og hitt í RED Family (geta verið fleiri en eitt).

RED Family
Hvað er RED Family?

Viðskiptavinur með Vodafone RED getur boðið sinni fjölskyldu að fá ótakmörkuð símtöl og SMS með því að skrá þau í RED Family áskrift. Greitt er mánaðargjald fyrir hverja RED Family áskrift og fær hún jafn mikið gagnamagn og aðaláskriftin. Svo deila RED og RED Family númerin samanlögðu gagnamagni.

RED númerin deila jafnframt því gagnamagni sem bætist við ef gagnamagn mánaðarins klárast.

Við erum ekki skráð í sambúð, getum við þá ekki fengið RED Family?

Jú, ef það er sami greiðandi af númerunum á Vodafone RED leiðinni og RED Family þá er það í lagi.

Þarf öll þjónusta að vera skráð á sama aðilann eða er nóg að við séum innan sömu fjölskyldukennitölu?

Einu skilyrðin er að sami greiðandinn sé af allri þjónustu sem tilheyrir Vodafone RED áskriftarleiðinni, þ.e. öll áskrift hvort sem er RED, RED Family eða RED Data þarf að vera með sama greiðanda og þ.a.l. á sama reikningi.

Notar fjölskyldan öll sama gagnamagnið?

Já, ef fjölskyldan skráir sig í Vodafone RED og RED Family deilir hún inniföldu gagnamagni, þegar að innifalið gagnamagn klárast fá þau aukalega gagnamagn á hagstæðu verði. Athugið að þeir sem eru í RED Young samnýta ekki gagnamagnið, heldur kaupa það sérstaklega.

Er hægt að stilla þak á gagnamagnsnotkun hvers númers?

Nei, sem stendur er ekkert hægt að stilla notkunina niður á hvert númer eða setja þak á gagnamagn áskriftarinnar. Eftir sem áður er hægt að stilla þak á gagnamagn á ferðalögum erlendis, en sú þjónusta er ekki bundin við Vodafone RED áskriftarleiðina.

Get ég keypt aukagagnamagnspakka?

Nei, það er ekki í boði að kaupa gagnamagnspakka en um leið og þinn pakki er búinn færðu viðbótargagnamagn á hagstæðu verði.

Hvernig fylgist ég með gagnamagnsnotkuninni minni?

Besta leiðin til að fylgjast með gagnamagnsnotkuninni er að nota Vodafone appið og Mínar síður á Vodafone.is.

Vodafone sendir tilkynningar með SMS þegar gagnamagnsnotkun er meiri en innifalið er í áskriftinni, en athugið að sú þjónusta er ekki í rauntíma enn sem komið er og því geta liðið nokkrir dagar frá því að farið er umfram innifalið gagnamagn mánaðar þangað til SMS er sent.

Geta RED Family númer notað útlandamínútur aðalnúmers?

Já, innifaldar útlandamínútur gilda bæði fyrir viðkomandi aðalnúmer og RED Family númerin .

Er takmarkaður fjöldi á RED Family eða RED Data kortum á fjölskyldu?

Þú getur bætt allt að 10 fjölskyldumeðlimum inn á RED Family eða RED Data og þannig deilt gagnamagninu. Eina skilyrðið er að þjónustan sé á sama reikningi (og því með sama rétthafa).

RED Young
Hvað geta mörg börn á heimili fengið RED Young?

Ef einn á heimilinu er með Vodafone RED áskrift geta öll börn eða ungmenni heimilisins undir 25 ára fengið RED Young.

Hvað gildir Vodafone RED Young í langan tíma?

Ótakmörkuð símtöl og SMS auk 1 GB gagnamagns gilda í 30 daga frá virkjun, SMS berast til foreldris/forráðamanns og notanda á RED Young þegar að áfylling virkjast.

Hvernig skrái ég númer í Vodafone RED Young?

Með því að hafa samband við þjónustuver Vodafone í síma 1414 eða með netspjalli .

Hvað er innifalið í Vodafone RED Young?

Ótakmörkuð símtöl og ótakmörkuð SMS í alla farsíma og heimasíma innanlands, óháð kerfi. 1 GB gagnamagn sem gildir í 30 daga.

Fyrir hverja er Vodafone RED Young?

Alla þá sem eru yngri en 25 ára og búa á heimili þar sem einhver er með RED áskrift.

Ég er í Vodafone RED en barnið mitt er með annað lögheimili. Getur það fengið RED Young?

Já. Eina skilyrðið er að RED Young notandi sé undir 25 ára og að númerið sé tengt við Vodafone RED áskrift.

Hvað gerist ef gagnamagnið klárast?

Þá þarf að kaupa áfyllingu, rétt eins og með hefðbundin frelsisnúmer. Hægt er að kaupa áfyllingu í gegnum Vodafone Appið eða Vodafone.is.

Einnig má bæta við gagnamagnspakka fyrir frelsi, en þeir gilda í 90 daga. Við bendum sérstaklega á að með því að hafa samband við þjónustuver Vodafone í 1414 er hægt að skrá sjálfvirka áfyllingu þannig að gagnamagnspakki bætist sjálfkrafa við RED Young númerið með reglulegu millibili.

Netið í símanum
Hverjum hentar að vera á Dagneti?

Í öllum nýjum farsímaáskriftarleiðum Vodafone er innifalið gagnamagn. Ef það klárast í hefðbundinni áskrift (ekki RED), tekur svokallað Dagnet við, en það hentar aðeins þeim sem fara á netið í símanum sínum mjög sjaldan (4-5 sinnum í mánuði).

Þeir sem eru með innifalið gagnamagn í áskriftarleiðinni sinni fara ekki að greiða Dagnet fyrr en innifalið gagnamagn klárast (ef það gerist þá yfir höfuð) og geta þá alltaf bætt gagnamagnspakka við áskriftarleiðina sína.

Við hvetjum þig til að fylgjast vel með netnotkun þinni með Vodafone appinu eða á Mínum síðum.

Hvernig nota ég símann til að fara á netið í tölvunni?

Flestir snjallsímar bjóða upp á svokallað „WiFi tethering“ eða þráðlausa tjóðrun, en með því býr síminn til þráðlaust WiFi net sem önnur tæki og tölvur geta tengst og þannig náð netsambandi. Þá þarf fyrst að finna þennan valmöguleika í símanum (oftast er það í netkerfishluta stillingavalmyndar símans) og kveikja á honum. Þá ætti þráðlaust net símans að birtast á tölvunni og hægt að tengjast því þar.

Oft þarf að slá inn lykilorð netkerfisins, en það ætti einnig að vera hægt að finna í stillingum símans þar sem kveikt er og slökkt á tjóðruninni.

Hvernig fæ ég stillingar í símann minn?

Ef þú ert með nýjan síma og vantar stillingar til að senda MMS og tengjast netinu, þarftu að hringja eitt símtal eða senda eitt SMS til þess að kerfið bregðist við og sendi þér stillingarnar.

Það skiptir ekki máli hvert þú hringir eða hver fær SMS-ið, þegar kerfi okkar sér að þú ert með nýjan síma eru stillingarnar sendar. Það gerist sjálfvirkt en nokkur stund getur liðið frá því að hringt er eða sent SMS þar til stillingarnar berast.

Ef símtækið þitt styður ekki sjálfvirkar stillingar getur þú stillt það handvirkt:

Lykilupplýsingarnar eru hér fyrir neðan:

  • APN: vmc.gprs.is (4G/3G net) eða gprs.is (farsími í áskrift eða frelsi)
    Fyrir 4G/3G net í áskrift eða 4G/3G netfrelsi er vmc.gprs.is virkt, annars er gprs.is notað fyrir hefðbundna farsímaáskrift og frelsi.
  • MMS APN: mms.gprs.is
  • MMSC: http://mmsc.vodafone.is
  • MMS proxy: 10.22.0.10:8080
  • Í flestum tilvikum eru útbúnar sérstakar stillingar (profile) fyrir MMS

Mikilvægt er að endurræsa símann þegar stillingar eru komnar inn í hann. Takið rafhlöðuna úr, eða ef þess er ekki kostur hafið slökkt á símtækinu í eina mínútu. Þegar kveikt er á símanum að nýju er tryggt að nýjar stillingar séu virkar.

Hverjir eru á Dagneti?

Allir þeir sem ekki eru með virkan gagnamagnspakka greiða fyrir netnotkun sína með Dagneti. Þetta þýðir að hafir þú ekki gagnamagn innifalið í áskriftarleiðinni þinni eða bætt gagnamagnspakka við hana þá greiðir þú daglega gjald fyrir netnotkun þína. Innan dagsins er innifalið ákveðið gagnamagn, sem fyrnist í lok dags.

Ef þú ferð umfram það sem er innifalið í dagnetspakkanum bætist annað Dagnet við (þó það sé innan dagsins).

Útlönd
Get ég hringt gjaldfrjálst í Vodafone frá útlöndum?

Þeir sem eru staddir erlendis geta náð sambandi við þjónustuver Vodafone með því að hringja í +354 5999009 og hringja viðskiptavinir Vodafone gjaldfrjálst í þetta númer úr farsímanum sínum (bæði frelsi og áskrift). Frelsisnotendur geta athugað innistæðu sína gjaldfrjálst með því að hringja í *120#.

Hvernig á að skipta á milli símkerfa í útlöndum?

OPERATOR / NETWORK SELECTION - VAL Á SÍMKERFI

Hér eru nokkur dæmi um hvernig skipt er milli símkerfa í mismunandi símtækjum. Listinn er ekki tæmandi og geta skipanir verið ólíkar milli síma og útgáfa af stýrikerfum.

Android:

  • Settings - Mobile Networks – Network operators – Search networks
  • Stillingar - Farsímakerfi - Símafyrirtæki - Leita að kerfum

iPhone:

  • Settings - Carrier - taka hakið úr automatic - velja símkerfi
Windows Phone:
  • Strjúktu til vinstri til að fá valmynd, svo: Settings - Mobile Network - Network Selection - velja símkerfi

Nokia:

  • menu - settings - phone settings - phone - operator selection
  • valmynd - stillingar - símastillingar - val símafyrirtækis

Nokia Symbian:

  • menu - tools - settings -

-í sumum símum þarf að fara í phone

-network - operator selection

  • valmynd - verkfæri - stillingar -

- í sumum símum þarf að fara í sími

- símkerfi - val á símafyrirtæki

Sony Ericsson:

  • menu - settings - connectivity (fjórði flipi til hægri) - mobile networks - select network
  • valmynd - stillingar - tengingar (fjórði flipi til hægri) - farsímakerfi - velja símkerfi

Samsung:

  • menu -

-í sumum símum þarf að fara beint í network services- network selection

-settings - network services - network selection

  • valmynd -

-í sumum símum þarf að fara beint í þjónusta símkerfis-val á símkerfi

- stillingar - þjónusta símkerfis - val á símkerfi

Motorola:

  • menu - settings - network - avail. networks

HTC:

  • start - settings - phone - networks

BlackBerry:

  • menu - options - mobile network
Hvernig er hringt til Íslands frá útlöndum?

Þegar hringt er til Íslands frá útlöndum er valið 00354 eða +354 á undan símanúmerinu. Frá Bandaríkjunum er hins vegar valið 011 til að fá línu út úr landinu og myndi þá líta svona út 011354*******.

Til þess að hringja í talhólfið erlendis frá þá er valið 003546200200 og til þess að ná í þjónustuverið þá er hringt í 003545999001. (Fyrir Bandaríkin þá þarf að passa að velja 011354 á undan)

Þeir sem eru staddir erlendis geta náð sambandi við þjónustuver Vodafone með því að hringja í +354 5999009 og hringja viðskiptavinir Vodafone gjaldfrjálst í þetta númer úr farsímanum sínum (bæði frelsi og áskrift). Frelsisnotendur geta athugað innistæðu sína gjaldfrjálst með því að hringja í *120#.

Í hvaða löndum er hægt að nota farsíma hjá Vodafone?

Á síðunni Farsími í útlöndum er hægt er að sjá við hvaða lönd Vodafone er með reikisamninga, hvaða þjónustuleiðir eru í boði í viðkomandi landi og hvaða tíðnisvið símtækin þurfa að styðja til að virka í viðkomandi landi.

Athugið að sum símafélög erlendis bjóða ekki upp á netið í símann þrátt fyrir að vera með samning við Vodafone fyrir GSM-samband (símtöl og SMS).p>

Get ég nettengst í símanum í öllum löndum þar sem 4G eða 3G er í boði?

Nei, eingöngu er hægt að nettengjast í símanum í þeim löndum þar sem Vodafone hefur gert farsímanets-samninga. Með því að velja land í landalistanum getur þú séð hvort farsímanets-samningur er í gildi í viðkomandi landi.

Ef númer er í frelsi mun nettenging rofna um leið og inneign klárast.

Hagstæðasta leið til að nota síma erlendis er með ONE Traveller sem stendur öllum ONE viðskiptavinum til boða.

Hver borgar fyrir símtöl til útlanda?

Ef farsími er notaður erlendis greiðir eigandi símans fyrir millilandasímtöl, þ.e. þegar hringt er í hann frá öðru landi en hann er staddur í. Þetta á við um almenna verðskrá, en í Traveller-áskriftum eru móttekin símtöl innifalin.

Dæmi: Viðskiptavinur A er á Íslandi en viðskiptavinur B er í útlöndum. Þegar A hringir í B þá greiðir A venjulegt innanlandsverð en B greiðir fyrir að móttaka símtal samkvæmt erlendri gjaldskrá.

Ef viðskiptavinur B er í ONE traveller í sömu aðstæðum, þá greiðir viðskiptavinur A áfram fyrir venjulegt innanlandsverð en B greiðir ekki neitt fyrir að móttaka símtal .

Er hægt að nota MMS í útlöndum?

Það er hægt að nota MMS í þeim löndum sem farsímanet býðst viðskiptavinum Vodafone. Með því að velja land í landalista Vodafone sérðu hvort farsímanet (og þar með MMS-skilaboð) sé í boði í viðkomandi landi.

Símanum mínum var stolið (hann týndist) á ferðalagi erlendis, hvað geri ég?

Við getum öll lent í því að símtækinu okkar sé stolið og SIM-kortið jafnvel misnotað, en þá er líka mikilvægt að vera meðvitaður um rétt viðbrögð.

Til að lágmarka skaðann af sviksamlegri notkun þarf SIM-kortið að vera læst með PIN og um leið og stuldur uppgötvast þarf að láta loka SIM-kortinu. Það er gert með því að hringja í 1414. Þeir sem eru staddir erlendis geta náð sambandi við þjónustuver Vodafone með því að hringja í +354 5999009 og hringja viðskiptavinir Vodafone gjaldfrjálst í þetta númer úr farsímanum sínum (bæði frelsi og áskrift).

Utan opnunartíma 1414 svarar símsvari þar sem tilkynna má týnda farsíma. Við vekjum einnig athygli á að utan opnunartíma má alltaf senda fyrirspurn á þjónustuver Vodafone og við svörum næsta dag.

Í þeim tilfellum þar sem tilkynningaskyldu er ekki sinnt er sú hætta til staðar að kostnaður lendi á notandanum.

Rétt er að minnast á að sé tækið í notkun erlendis er engin leið að rekja það. Við mælum með Vodafone Backup+ til að tryggja að myndir, tengiliðir o.fl. glatist ekki ef síminn týnist. Eins mælum við með að athuga hvort búið sé að virkja þær staðsetningarþjónustur sem eru í boði fyrir þitt símtæki, eins og Find My iPhone og Android Device Manager .

ONE Traveller
Hvað er ONE Traveller?

ONE Traveller stuðlar að enn frekara áhyggjuleysi á ferðalaginu sem eflaust allir kunna að meta. ONE Traveller er hægt að nota á ferðalagi í fjölmörgum löndum víðsvegar um heim. Fyrir fast daggjald getur þú hringt og sent SMS ótakmarkað, þú greiðir 0 kr. fyrir að fá símtöl að heiman, auk þess sem þú færð 500 MB gagnamagn til að nota yfir daginn. Kynntu þér verðskrá og í hvaða löndum ONE Traveller virkar .

Get ég hringt til annarra landa með ONE Traveller?

Hægt er að hringja ótakmarkað til Íslands og innan þess lands sem þú ert staddur í.

Ef þú vilt hringja til annarra landa en Íslands og landsins sem þú ert staddur í getur þú notað innifaldar útlandamínútur í farsímaleið þinni (500 mínútur fylgja RED áskrift og hægt er að velja 500 mínútur sem ávinning í Vodafone ONE). Ef engar innifaldar útlandamínútur eru til staðar þá er greitt samkvæmt almennri reikiverðskrá.

Hvað gerist ef ég nota öll 500 MB sem eru innifalin á dag?

Ef 500 MB duga ekki daginn fást önnur 500 MB á 690 kr. og svo framvegis.

Hvernig skrái ég mig í ONE Traveller?

Hægt er að skrá sig í ONE Traveller með því að hringja í þjónustuver í síma 1414.

Þarf ég að skrá mig úr ONE Traveller þegar ég kem aftur heim til Íslands?

Ekki er þörf á að skrá sig úr ONE Traveller heldur hættir rukkun sjálfkrafa við heimkomu.

USA Traveller
Hvað er USA Traveller?

USA Traveller er þjónusta fyrir þá sem vilja nota farsímann sinn Í Bandaríkjunum og Kanada án þess að eiga á hættu að fá himinháa reikninga fyrir notkun. Við notkun farsímans greiðist fast daggjald og er ekkert greitt fyrir móttekin símtöl.

Gagnamagnsnotkun mælist í 15MB og gildir innan dagsins (þ.e. fram til miðnættis). Sé notkun umfram 15 MB innan sama dags bætast önnur 15MB við og svo koll af kolli. Hér má finna verðskrá USA Traveller

.
Gilda innifaldar mínútur í áskriftinni minni þegar ég er erlendis með USA Traveller?

Innifaldar mínútur, SMS og gagnamagn gilda ekki þegar einstaklingur er erlendis. Ótakmörkuð notkun í Vodafone RED gildir ekki heldur. Gjaldfært er samkvæmt USA Traveller verðskrá ásamt daggjaldi. Hér má finna verðskrá USA Traveller

.
Hverjir geta skráð sig í USA Traveller?

Allir viðskiptavinir í áskrift hjá Vodafone geta skráð sig í USA Traveller.

Hvernig virkar daggjaldið?

Daggjaldið gildir frá virkjun til kl 23:59 sama dag að íslenskum tíma.

Daggjaldið gjaldfærist á reikning við fyrstu notkun erlendis. Þetta á við um alla notkun, símtöl, SMS og gagnanotkun. Athugið að þetta á líka við notkun sem verður án aðkomu notandans, til dæmis sjálfvirkar uppfærslur snjallsíma, símtöl í talhólfið hjá þér eða móttekin símtöl.

Undantekning er þó að móttekin SMS virkja EKKI daggjaldið. Það þýðir m.a. að SMS-ið sem Vodafone sendir þér þegar þú kemur til landsins virkjar ekki daggjald.

Er gagnamagnsnotkun innifalin í daggjaldinu?

Nei, 978 kr. daggjaldið er alveg óháð notkun. Gagnamagnsnotkun bætist við á 178 kr. fyrir hver 15 MB sem eru notuð innan dagsins.

Virkar USA Traveller líka á spjaldtölvur?

Já. USA Traveller virkar líka á spjaldtölvur ef notað er SIM kort með farsímaáskrift. Verðskráin er samkvæmt USA Traveller verðskránni og gagnamagnsnotkun gjaldfærist á 178 krónur hver 15 MB ásamt daggjaldi 978 krónur.

Tala ég að kostnaðarlausu innan fjölskyldu þegar ég er erlendis með USA Traveller?

Nei. Ekki er hægt að hringja að kostnaðarlausu innan fjölskyldu í USA Traveller erlendis.

Gildir USA Traveller fyrir þá sem er með Frelsi?

Nei. USA Traveller er eingöngu í boði fyrir áskrift.

Virkar USA Traveller á 3G Net áskrift?

Nei, þjónustan er eingöngu í boði fyrir hefðbundna farsímaáskrift.

Er 50 evru þak á USA Traveller?

Já og nei. 50 evru þakið er virkt hjá viðskiptavinum sem eru skráðir í USA Traveller en gildir ekki þegar viðskiptavinur er staddur í USA eða Kanada. Fari viðskiptavinur til lands sem ekki býður upp á USA Traveller gildir evruþakið.

Almennt
Af hverju ætti ég að skrá frelsisnúmerið og hvar er það gert?

Við mælum með því að skrá númerið. Þú færð betri þjónustu með því að skrá símanúmerið þitt og aukið öryggi ef númerið týnist eða því stolið.

Þegar þú skráir númerið þitt færðu 500 kr inneign til að hringja fyrir. Hægt er að skrá númerið með því að hringja í 1414.

Hvar get ég skoðað og breytt vinanúmerum?

Þú getur farið á Mínar síður á vodafone.is til að skoða/breyta vinaskráningu á númerinu þínu með því að velja að skoða upplýsingar um númerið þitt þar, eða notað Vodafone appið.

Einnig er hægt að koma í verslanir okkar eða hringja í þjónustuver í síma 1414-1 og fá aðstoð við að breyta vinanúmerum.

Hvar er hægt að fylgjast með stöðu inneignar?

Þú getur alltaf fengið upplýsingar um stöðu inneignar í Vodafone Appinu.

Einnig getur þú fylgst með stöðunni á Mínum síðum á Vodafone.is, með því að hringja í gjaldfrjálst þjónustunúmer 1400 eða nota Stöðumælinn.

Hvernig get ég flutt frelsisnúmerið til Vodafone?

Þú getur flutt frelsisnúmerið þitt yfir til Vodafone með einu símtali í 1414, eða með því að koma í næstu verslun Vodafone.

Get ég fengið nýtt SIM kort á sama símanúmer?

Ef SIM kort glatast eða skemmist þá er alltaf hægt að koma við í einni af verslunum Vodafone, fá nýtt SIM kort og halda gamla símanúmerinu.

Nýtt kort kostar 500 kr og nauðsynlegt er að framvísa skilríkjum við afhendingu í verslun.

Einnig er hægt að opna aftur fyrir glatað SIM kort í verslun gegn framvísun skilríkja.

Hvað á að gera ef SIM kortið glatast?

Ef SIM kort glatast er mikilvægt að tilkynna það sem fyrst til að koma í veg fyrir misnotkun. Viðskiptavinur ber ábyrgð á SIM kortinu og notkun þess þar til tilkynnt hefur verið um að það hafi glatast.

Upplýsingar sem aðeins voru vistaðar á SIM kortinu tapast ef kortið týnist.

Fyrstu viðbrögð er að tilkynna kortið til Vodafone, annað hvort í síma 1414, með tölvupósti á vodafone@vodafone.is eða á netspjallinu okkar. Því næst er hægt að koma í verslun okkar og fá nýtt simkort. Til að fá afhent simkort þarf rétthafi símanúmersins að koma og hafa meðferðis skilríki.

Hvernig get ég fengið PUK númer?

PUK númer er hægt að nálgast á Mínum síðum , í verslunum eða þjónustuveri og aðeins skráður rétthafi eða skráður notandi geta fengið uppgefið PUK.

Ekki er hægt að fá PUK númer uppgefið fyrir óskráð símanúmer. Notendur óskráðra frelsisnúmera þurfa að koma í verslun, sýna skilríki og skrá símanúmerið sitt til að fá PUK.

Ef símanúmer er skráð á fyrirtæki geta aðeins skráður notandi eða skráður tengiliður fyrirtækisins fengið uppgefið PUK.

Er hægt að finna týnt eða stolið símtæki?

Vodafone framkvæmir leit að símtækjum hafi kæra verið lögð fram hjá lögreglu. Sé kæra skráð hjá lögreglu er hægt að gera tvennt: Annars vegar bíða eftir því að lögreglan sendi skýrsluna áfram á öll símafélögin. Viðbrögð lögreglu fara yfirleitt eftir umfangi málsins, en hratt er brugðist við þar sem um innbrot eða þjófnað er að ræða. Hins vegar er hægt að óska eftir uppflettingu símtækis hjá hverju símafélagi fyrir sig.

Viljir þú óska með þessum hætti eftir leit að símtæki í okkar kerfum þarftu að afhenda okkur afrit af kæru til lögreglu (eyðublað sem fæst hjá þeim) og verður málsnúmer hjá lögreglu að koma fram á eyðublaðinu. Greitt er fyrir framkvæmd leitarinnar, 5.008 kr. Hin símafélögin bjóða upp á sams konar þjónustu, en rétt er að ítreka að sé síminn í notkun á Íslandi þarf að leita hjá hverju félagi fyrir sig til að finna tækið. Sá sem óskar leitar verður að hafa náð 18 ára aldri. Hjá Vodafone nær leitin yfir mánaðar tímabil.

Sé tækið í notkun erlendis er engin leið að rekja það.

Til að hægt sé að rekja símann þarf að framvísa IMEI númeri hans. Númerið er á kvittun sem afhent var þegar tækið var keypt og einnig á umbúðunum sem fylgdu símanum upphaflega. Hafi tækið verið keypt hjá Vodafone er hægt að fletta IMEI númeri upp í verslunum okkar.

Rétt er að árétta að beri leitin árangur er farsímafélögunum ekki heimilt að afhenda upplýsingar um notkun símans til eiganda hans, heldur fara upplýsingarnar til lögreglu, sem vinnur úr þeim á viðeigandi hátt.

Svör um árangur í leit eru veitt með SMS og tölvupósti, en ávallt er svarað formlega í sérstökum reikningi sem sendur er út vegna leitarinnar.

Er hægt að flytja símaskrána milli SIM korta?

Þegar skipt er um SIM kort er hægt að biðja starfsfólk verslana Vodafone að færa upplýsingarnar sem eru vistaðar á gamla SIM kortinu yfir á nýja SIM kortið. Þannig færast allar upplýsingar úr símaskránni yfir á nýja SIM kortið.

Einnig er hægt að afrita símaskrána af gamla SIM kortinu yfir á það nýja beint í GSM símanum með því að afrita upplýsingar um tengiliði af gamla SIM kortinu yfir á minni símtækisins og þaðan yfir á nýja SIM kortið. Fer það eftir símtækinu hvernig þetta er gert, en fyrir flest símtæki þá er þetta gert svona:

Valmynd - Símaskrá - Afrita, svo þarf að velja alla tengiliði og færa yfir á minni símans.

Aukaþjónusta
Hvernig stilli ég símtalsflutning / hringiflutning?

1. Símtalsflutningur ef ekki er svarað:

Flutningur tengdur, velja: *61*símanúmer# sem á flytja símtölin í.
Dæmi: *61*5123456#

Flutningur aftengdur, velja: #61#

Ef engin tímalengd er stillt sem á að líða áður en símtal flyst þá flyst símtalið eftir 15 sekúndur. (u.þ.b 4 hringingar).

Ef annarrar tímalengdar er óskað er slegið inn: *61* símanúmer* (sekúndur) #

Sekúndur = tíminn sem á að líða áður en símtal flyst.

Tímalengdin getur verið 5, 10, 15, 20, 25 eða 30 sekúndur.

Dæmi: *61*5123456*25#, við þetta flyst númerið í 512 3456 eftir 25 sekúndur.

2. Hringiflutningur – allar hringingar

Flutningur tengdur: *21*símanúmer #

Flutningur aftengdur, velja: #21#

Dæmi: *21*5123456#, við þetta flytjast allar hringingar úr númerinu í 512 3456

3. Hringiflutningur – þegar er á tali

Flutningur tengdur: *69*símanúmer#

Flutningur aftengdur, velja: #67#

Dæmi: *69*5123456#, við þetta flytjast öll símanúmer úr númerinu í 512 3456

4. Flutningur á SMS

Skrá SMS flutning: **21*farsímanúmer hjá Vodafone sem á að áframsenda í*16#, og velja "hringja"

Afskrá SMS fluting: ##21**16#, og velja hringja.

Virkja SMS flutning: *21**16#, og velja hringja.

Afvirkja SMS flutning: #21**16#, og velja hringja.

Skoða SMS flutning: *#21**16#, og velja hringja.

Einnig er hægt að stilla hringiflutning á Mínum síðum fyrir farsíma.

Hægt er svo að slökkva á öllum flutningum með: ##002#

Er hægt að taka SOS lán oftar en einu sinni?

Já, en aðeins er hægt er að vera með eitt virkt SOS Lán á númerinu sínu í einu. Þegar það hefur verið greitt upp (með kaup á inneign) er hægt að fá nýtt lán.

Hvert er númer skeytamiðstöðvar?

Númer skeytamiðstöðvar á að vera +3546999099 í viðeigandi stillingum fyrir viðskiptavini okkar.

Er hægt að virkja hringiflutning á frelsi?

Já hringiflutningur er í boði fyrir fyrir viðskiptavini með skráð frelsisnúmer. Hægt er að virkja hringiflutning á símtali og áframsenda SMS. Nánari upplýsingar um hvernig hringiflutningur er virkjaður má finna í spurningu hér ofar.

Áframsendingu á SMS-i þarf að virkja á Mínum síðum, með því að hringja í 1414 eða heimsækja næstu verslun Vodafone.

Hvernig virkar talhólf?

Talhólf er símsvari sem hægt er að stilla til þess að taka á móti skilaboðum þegar: slökkt er á símanum, hann utan þjónustusvæðis eða er á tali.

Til að stilla talhólfið þarf að hringja í 1415. Uppsetning talhólfsins felur í sér að slá inn nýtt aðgangsnúmer og lesa inn ávarpið. Ávarpið er það sem fólk heyrir þegar það hringir í símanúmerið og símtalið er flutt í talhólfið.

Tilkynning um ný skilaboð í talhólfinu berast með SMS skilaboðum.

Það kostar ekkert að hringja í talhólfsnúmerið 1415 til að hlusta á skilaboðin.

Einnig er boðið upp á Hver Hringdi? þjónustuna. Hún virkar þannig að þegar hringt er í símann þegar hann er á tali, ekki er svarað eða hann utan þjónustusvæðis þá fær eigandi hans skilaboð með SMS um að reynt hafi verið að ná í hann. Það kostar ekkert að vera með Hver Hringdi? þjónustuna.

Athugið að ekki er hægt að hafa bæði talhólf og Hver Hringdi? þjónustuna á sama tíma.

Hægt er að slökkva á bæði talhólfi og Hver hringdi? þjónustunni með því að hringja í númerið ##002# úr símanum. Við mælum með því að slökkva á talhólfi þegar ferðast er erlendis, þar sem það getur verið kostnaðarsamt.

Eru Kollektsímtöl í Vinanúmer frí?

Nei, móttakandi kollektbeiðni borgar fyrir símtalið þó svo að sá sem bað um kollekt-símtalið sé skráður vinur hans.

Hvernig stilli ég flutning í talhólf?

Þrjár leiðir eru mögulegar til að stilla símtalsflutning í talhólf:

1) Einfaldast er að stilla símtalsflutning, m.a. í talhólf, á Mínum síðum á Vodafone.is . Talhólfsnúmerið er 6200200.

2) Einnig er hægt að fara í stillingar („Settings“ á ensku) flestra tegunda síma og stilla símtalsflutning (Call Forwarding) þar. Til að flytja símtal í talhólfið slærðu inn símanúmerið +3546200200.

3) Til þess að flytja símtöl í talhólf má einnig slá inn eftirfarandi kóða sem virka fyrir allar tegundir síma.

Þegar ekki er svarað í farsímann: *61*+3546200200#hringja

-Þjónustan aftengd: #61#hringja

Þegar slökkt er á símanum: *62*+3546200200#hringja

-Þjónustan aftengd: #62#hringja

Þegar er á tali: *67*+3546200200#hringja

-Þjónustan aftengd: #67#hringja

Öll símtöl flutt beint í talhólf: *21*+3546200200#hringja

-Þjónustan aftengd: #21#hringja

Hægt er að velja hversu langur tími líður þar til símtal flyst í talhólfið ef ekki er svarað.

Talhólfið svarar innan – tímalengd breytt: *61*+3546200200**5, 10, 15, 20, 25 eða 30 (sekúndur)#hringja. Ef þú velur ekki sérstaka tímalengd flyst símtalið eftir 15 sekúndur.

Til þess að slökkva á öllum flutningum: ##002#

Hver greiðir fyrir Kollektsímtöl?

Allur kostnaður sem myndast við Kollektsímtöl fellur á þann sem móttekur og samþykkir kollektbeiðni. Gjaldið vegna Kollektsímtala er einungis venjulegt gjald fyrir farsímasímtöl, þ.e. að hringja úr gsm í gsm og ekki er rukkað fyrir móttökubeiðnir.

Kollekt þjónustan er aðeins virk innan kerfis Vodafone.

Hvað er Stöðumælir?

Þú getur notað stöðumælinn til þess að fylgjast með inneigninni þinni með því að slá inn kóða í símann og þá færðu strax skilaboð á skjá símans um stöðuna. Ekki þarf að skrá sig fyrir þjónustunni, hún kostar ekkert og kemur því í stað símtals í 1400 til að fá upplýsingar um inneignina.

Þú getur nálgast yfirlit yfir alla kóðana hér .

Hvað er SOS þjónusta?

SOS þjónustan er neyðarþjónusta sem Frelsisviðskiptavinir okkar geta nýtt sér. Hægt er að nota SOS Hringdu, SOS Lán eða SOS kollekt til að ná sambandi þótt inneignin hafi klárast.

Sjá nánar um SOS þjónustuna hér.

Geta allir nýtt sér þjónustuna SOS Hringdu?

Já, allir viðskiptavinir okkar geta notað þjónustuna SOS Hringdu og hún virkar einnig milli símkerfa.

Inneign
Hvernig virkar sjálfvirk áfylling?

Með sjálfvirkri áfyllingu af debet- eða kreditkorti þarft þú ekki að hafa áhyggjur af því að fylla á frelsið þitt í hverjum mánuði, því það gerist einfaldlega sjálfkrafa!

Viðskiptavinir geta valið milli tvenns konar sjálfvirkra áfyllinga, mánaðarlegri áfyllingu (alltaf fyllt á sama mánaðardaginn) eða áfyllingu á 30 daga fresti.

Athugið að þar sem gagnamagnspakkar í frelsi gilda í 90 daga er endurtekin áfylling þeirra á 90 daga fresti.

Hvað er rafræn áfylling?

Til rafrænna áfyllinga teljast áfylling í heimabanka og hraðbanka, áfylling á vodafone.is með því að velja fylla á frelsi, sjálfvirk áfylling og hraðáfylling.

Nánari upplýsingar er hægt að nálgast með því að hringja í 1414-1 eða senda fyrirspurn á vodafone@vodafone.is

Get ég verið með sjálfvirka áfyllingu af kreditkortinu mínu en fyllt á með Hraðáfyllingu með debetkortinu?

Já, þetta eru tvær ólíkar áfyllingarleiðir.

Hraðáfylling er stök áfylling sem hægt er að nýta sér á einfaldan hátt með því að stimpla inn kóða í símanum sínum þegar búið er að skrá greiðslukort fyrir þjónustunni.

Sjálfvirk áfylling er aftur á móti regluleg áfyllingarleið sem þú skráir þig í með því að hafa samband við þjónustuver Vodafone í síma 1414 og velja hvenær hún eigi að endurtaka sig sjálfkrafa. Við mælum með að viðskiptavinir sem nýta sér RED Frelsi eða Risafrelsi skrái það í sjálfvirka áfyllingu á 30 daga fresti til að ávinningurinn haldist ávallt virkur.

Hægt er að hætta með sjálfvirka áfyllingu með því að hafa aftur samband við þjónustuver Vodafone.

Hvar er hægt að fylgjast með stöðu inneignar?

Þú getur alltaf fengið upplýsingar um stöðu inneignar í Vodafone appinu.

Einnig getur þú fylgst með stöðunni á Mínum síðum á Vodafone.is, með því að hringja í gjaldfrjálst þjónustunúmer 1400 eða nota Stöðumælinn .

Hver er gildistími inneigna í frelsi?

Gildistími hefðbundinna frelsisinneigna er 6 mánuðir frá síðustu notkun en tilboðsinneignir eins og RED Frelsi og Risafrelsi gilda í 30 daga.

Hefðbundnar gagnamagnsáfyllingar í frelsi gilda í 90 daga.

Hvað er sjálfvirk áfylling og hvernig er hún virkjuð?

Með sjálfvirkri áfyllingu af debet- eða kreditkorti þarft þú ekki að hafa áhyggjur af því að fylla á frelsið þitt í hverjum mánuði, því það gerist einfaldlega sjálfkrafa!

Þú skráir debet- eða kreditkortið þitt í sjálfvirka áfyllingu og þá fyllist á frelsið þitt í byrjun hvers mánaðar fyrir tiltekna upphæð sem þú velur þér.

Þetta þýðir að þú getur áhyggjulaust viðhaldið ávinningi sem fylgir inneigninni, sem gildir yfirleitt í 30 daga frá áfyllingu, því með sjálfvirkri áfyllingu getur þú virkjað tilboðsinneignina sjálfkrafa á ný.

Sjálfvirk áfylling fyrir gagnamagnspakka er gerð á 90 daga fresti, þar sem gildistími gagnamagnspakka í frelsi er 90 dagar.

Það borgar sig því að vera með sjálfvirka áfyllingu virka. Þú getur skráð sjálfvirka áfyllingu hjá þjónustuveri okkar í síma 1414 eða í næstu Vodafone verslun.

Hvað er Hraðáfylling?

Hraðáfylling er handhæg þjónusta þar sem þú getur fyllt á þitt eigið frelsisnúmer eða númer hjá öðrum beint úr símanum þínum. Bæði er hægt að skrá númer í áskrift og frelsi fyrir þjónustunni með því að skrá debet- eða kreditkort í þjónustuna.

Þú getur skráð kortið þitt hjá þjónustuveri okkar í síma 1414, eftir að kortið hefur verið skráð einu sinni þarftu ekki að muna það eða skráð það aftur, nema þú skiptir um kort. Við það virkjast Hraðáfylling í Vodafone appinu og því óþarfi að skrá kreditkortanúmer ítrekað við kaup á áfyllingum.

Í Vodafone appinu er hægt er að fylla á sitt eigið frelsi, eða frelsi annarra hjá Vodafone. Einnig er hægt að fylla á frelsi annarra úr símanúmeri sem er ekki í áskrift.

RISA frelsi
Hvar kaupi ég RISA frelsi?

• Með Vodafone appinu.

• Hér á Vodafone.is

•Á Mínum síðum á Vodafone.is

Hvað er böffer?

Böffer er ákveðin upphæð sem fylgir hverju RISA frelsi. Þessi upphæð nýtist t.d. fyrir útlandasímtöl, símtöl í þjónustunúmer eins og 118, og fyrir símtöl ef mínúturnar eða gagnamagnið sem fylgja RISA frelsinu þínu klárast.

Fæ ég að vita þegar RISA frelsið er að klárast?

Já, við sendum þér SMS þegar að RISA frelsið er virkjað og þegar mínútur, gagnamagn eða böffer er að klárast.

Hvernig virkar RISA frelsi með öðrum inneignum?

RISA Frelsi hefur alltaf forgang, en hægt er að vera með fleiri inneignir með RISA Frelsi.

Hvað er RISA frelsi?

RISA frelsi er allt sem þú þarft. Þú færð innifalið gagnamagn, innifaldar mínútur, ótakmörkuð SMS og böffer (inneign). RISA frelsi gildir í 30 daga. Ef gagnamagnið klárast getur þú keypt viðbótargagnamagn á hagstæðara verði.

Hvernig gilda innifaldar mínútur?

Innifaldar mínútur gilda í heimasíma og farsíma á Íslandi – óháð kerfi.

Er upphafsgjald á inniföldum mínútum í RISA frelsi?

Nei, ekkert upphafsgjald er á inniföldu mínútunum.

Hver er gildistími á RISA frelsi?

RISA frelsi gildir í 30 daga.

Ég nota netið í símanum mjög mikið, má kaupa gagnamagnspakka ofan á RISA frelsi?

Já. Það er hægt að kaupa gagnamagnspakka ofan á RISA frelsi. Bæði RISA frelsi viðbótargagnamagn og almennt gagnamagn.

RISA frelsi viðbótargagnamagn virkar þannig að fyrir 490 kr. færðu 250 MB ef þú ert með RISA frelsi S, 500 MB ef þú ert með RISA frelsi M og 750 MB ef þú ert með RISA frelsi L.

Almennt gagnamagn virkar þannig að þú getur bætt gagnamagnspökkum við samkvæmt verðskrá. Með því að fara í áfyllingarferlið og slá inn símanúmerið þitt sérðu hvaða gagnamagnspakkar bjóðast.

Hvar gilda SMS-in?

Með RISA frelsi getur þú sent ótakmörkuð SMS innanlands og óháð kerfi.

Hvað gerist þegar innifalið gagnamagn klárast?

Ef þú kaupir ekki viðbótargagnamagn þá rukkast daggjald af böffernum (inneigninni) skv. gjaldskrá .

Er þak á ótakmörkuðum SMS-um?

Nei, SMS eru ótakmörkuð.

Hvað gildir viðbótargagnamagnið lengi?

Viðbótargagnamagn er virkt í 30 daga frá kaupum viðbótargagnamagnsins, óháð gildistíma RISA frelsis.

Útlönd
Virkar Kollekt þjónustan í útlöndum?

Viðskiptavinir geta móttekið Kollektbeiðnir í útlöndum og samþykkt þær. Viðkomandi þarf þá að greiða fyrir símtalið samkvæmt verðskrá erlenda símafyrirtækisins.

Viðskiptavinur getur ekki óskað eftir Kollektsímtali ef hann er staddur í útlöndum.

Kollekt þjónustan er aðeins virk innan kerfis Vodafone.

Er hægt að nota MMS í útlöndum?

Það er hægt að nota MMS í þeim löndum sem farsímanet býðst viðskiptavinum Vodafone. Með því að velja land í landalista Vodafone sérðu hvort farsímanet (og þar með MMS-skilaboð) sé í boði í viðkomandi landi.

Virkar síminn í Asíu, S-Ameríku eða öðrum fjarlægum stöðum?

GSM farsímakerfi á Íslandi (og Evrópu) eru á tveimur tíðnum; 900Mhz og 1800Mhz. Sumsstaðar utan Evrópu er notast við önnur tíðnisvið og því eru ekki allir GSM símar sem virka nema þeir séu samhæfðir við tíðnina sem farsímafélögin notast við.

Tri-band símar styðja 900/1800 og 1900 kerfin.

Quad-band símar styðja 850/900/1800 og 1900 kerfin.

Hafa skal í huga þegar farið er til eftirfarandi landa:

Argentína, Kólumbía, Paragvæ (1900 og sums staðar 850)
Chile, Mexíkó, Níkaragúa, Perú (1900)
Bandaríkin og Kanada (mest 1900 í bland við 850)

Í ofangreindum löndum er engin þjónusta á 900 og 1800, en í sumum löndum er samblanda af 900/1800 og 1900/850:

Cayman eyjar, Dóminíska lýðveldið, El Salvador, Jamaíka, Taíland og Úrúgvæ. Í þessum löndum getur því verið að 900/1800 virki á sumum farsímanetum eða á ákveðnum svæðum.

Í Suður-Kóreu í Japan er eingöngu hægt að nota 3G farsíma, þannig að ef farsíminn þinn er með 3G getur þú því notað hann í þessum löndum. Ef síminn þinn er eingöngu með GSM þarftu að kaupa 3G síma (þeir eru allir með GSM líka) til að nota í Suður-Kóreu og Japan. Farsímar með 3G fást í öllum verðflokkum bæði hér heima og erlendis.

Ítarefni um þetta málefni er að finna á síðu GSM World (þar er valið land og upp koma upplýsingar um öll farsímakerfi á því svæði og útbreiðslu þeirra).

Á GSM Arena er hægt að sjá hvaða kerfi símtækin styðja. Sláið inn tegund ykkar síma og upp kemur allt um símann. Þarna er einnig hægt að finna leiðbeiningabæklinga fyrir síma.

Get ég hringt gjaldfrjálst í Vodafone frá útlöndum?

Já. Þegar ná þarf sambandi við Vodafone geta bæði áskrifendur og frelsisnotendur hringt gjaldfrjálst í þjónustuver, og til að athuga/fylla á innistæðu með því að hringja í *111*1414# (þjónustuver) og *111*1400# (innistæða)

Hvaða gengi er miðað við í útlandaverðskrá Vodafone?

Útlandaverðskrá Vodafone er birt í krónum, en miðast við gengi Evru. Gengið ákvarðast mánaðarlega út frá gengi Seðlabanka Íslands.

Nánari upplýsingar um verðskrá Vodafone í útlöndum .

Hvernig er hringt til Íslands frá útlöndum?

Þegar hringt er til Íslands frá útlöndum er valið 00354 eða +354 á undan símanúmerinu. Frá Bandaríkjunum er hins vegar valið 011 til að fá línu út úr landinu og myndi þá líta svona út 011354*******.

Til þess að hringja í talhólfið erlendis frá þá er valið 003546200200 og til þess að ná í þjónustuverið þá er hringt í 003545999001. (Fyrir Bandaríkin þá þarf að passa að velja 011354 á undan)

Þegar ná þarf sambandi við Vodafone geta bæði áskrifendur og frelsisnotendur hringt gjaldfrjálst í þjónustuver, talhólf og til að athuga/fylla á innistæðu með því að hringja í *111*1414# (þjónustuver) *111*1400# (innistæða) og *111*1415# (talhólf).

Í hvaða löndum er hægt að nota farsíma hjá Vodafone?

Á síðunni Farsími í útlöndum er hægt er að sjá við hvaða lönd Vodafone er með reikisamninga, hvaða þjónustuleiðir eru í boði í viðkomandi landi og hvaða tíðnisvið GSM símtækin þurfa að styðja til að virka í viðkomandi landi.

Athugið að Vodafone er ekki með 3G eða GPRS reikisamninga við öll símafyrirtæki þótt GSM-reikisamningar séu til staðar.

Er hægt að loka fyrir innkomandi símtöl meðan á dvöl erlendis stendur?

Já það er hægt.

Hér eru nokkur dæmi um hvernig þetta er gert í mismunandi símtækjum. Listinn er þó ekki tæmandi og einstakar tegundir síma frá eftirtöldum framleiðendum geta þurft aðrar skipanir en þær sem nefndar eru hér:

Nokia:

  • menu - settings - security - call barring service - voice calls
  • valmynd - settings - öryggis stillingar - útilokunarþjónusta - símtöl

Nokia Symbian:

  • menu - tools - settings - phone - call barring

-í sumum símum þarf að fara í voice call barring

  • valmynd - verkfæri - stillingar - sími - útilokanir

-í sumum símum þarf að fara í útilokun farsíma

Sony Ericsson:

  • menu - settings - calls (þriðji flipi til hægri) - manage calls - restrict calls
  • valmynd - stillingar - símtöl (þriðji flipi til hægri) - vinna með símtöl - læsingar símtala

Samsung

  • menu -

-í sumum símum þarf að fara beint í network services-call barring

- settings - network services - call barring

  • valmynd -

-í sumum símum þarf að fara beint í þjónusta símkerfis-læsingar símtala

- stillingar - þjónusta símkerfis - læsingar

Motorola:

  • menu - settings - security - call barring

HTC:

  • start - settings - phone - call barring

Android:
  • stillingar - símtalsstilingar - útilokun símtala - kveikja á " Móttekin ef erlendis".
  • settings - call Settings - call barring - kveikja á "Incoming when abroad".
Hvernig fylgist ég með stöðunni á frelsinu þegar ég er í útlöndum?

Best er að gera það með Stöðumæli Vodafone , alveg eins og heima, með því að slá inn *113*1# (hringja). (Stöðumælir er gjaldfrjáls þjónusta). Einnig getur þú hringt í *111*1400#, sem er líka gjaldfrjáls þjónusta.

Get ég nettengst í símanum í öllum löndum þar sem 3G er í boði?

Nei, eingöngu er hægt að nettengjast í símanum í þeim löndum þar sem Vodafone hefur gert farsímanets-samninga. Með því að velja land í landalistanum getur þú séð hvort farsímanets-samningur er í gildi í viðkomandi landi.

Ef númer er í frelsi mun nettenging rofna um leið og inneign klárast.

Hagstæðasta leið til að nota síma erlendis er með ONE Traveller sem stendur öllum ONE viðskiptavinum til boða.

Hvernig fylli ég á frelsið í útlöndum?

Einfaldast og ódýrast er að kaupa inneign með Hraðáfyllingu eða með því að hringja í þjónustuverið. Viðskiptavinir í Vodafone Frelsi sem staddir eru erlendis geta hringt gjaldfrjálst í þjónustuver með því að slá inn *111*1414# (hringja).

Einnig má fylla á frelsið á netinu, t.d. á vodafone.is, með 1414 appinu eða í heimabanka. Athugaðu að netnotkun í símanum getur verið mjög kostnaðarsöm erlendis og því er best að fylla á í gegnum tölvu eða með því að tengja símann við WiFi net áður en farið er á netið til að fylla á frelsið.

Hvernig á að skipta á milli símkerfa í útlöndum?

OPERATOR / NETWORK SELECTION - VAL Á SÍMKERFI

Hér eru nokkur dæmi um hvernig skipt er milli símkerfa í mismunandi símtækjum. Listinn er ekki tæmandi og geta skipanir verið ólíkar milli síma og útgáfa af stýrikerfum.

Android:

  • Settings - Mobile Networks – Network operators – Search networks
  • Stillingar - Farsímakerfi - Símafyrirtæki - Leita að kerfum

iPhone:

  • Settings - Carrier - taka hakið úr automatic - velja símkerfi
Windows Phone:
  • Strjúktu til vinstri til að fá valmynd, svo: Settings - Mobile Network - Network Selection - velja símkerfi

Nokia:

  • menu - settings - phone settings - phone - operator selection
  • valmynd - stillingar - símastillingar - val símafyrirtækis

Nokia Symbian:

  • menu - tools - settings -

-í sumum símum þarf að fara í phone

-network - operator selection

  • valmynd - verkfæri - stillingar -

- í sumum símum þarf að fara í sími

- símkerfi - val á símafyrirtæki

Sony Ericsson:

  • menu - settings - connectivity (fjórði flipi til hægri) - mobile networks - select network
  • valmynd - stillingar - tengingar (fjórði flipi til hægri) - farsímakerfi - velja símkerfi

Samsung:

  • menu -

-í sumum símum þarf að fara beint í network services- network selection

-settings - network services - network selection

  • valmynd -

-í sumum símum þarf að fara beint í þjónusta símkerfis-val á símkerfi

- stillingar - þjónusta símkerfis - val á símkerfi

Motorola:

  • menu - settings - network - avail. networks

HTC:

  • start - settings - phone - networks

BlackBerry:

  • menu - options - mobile network
Virkar frelsi í útlöndum?

Já, það er hægt að nota frelsi í fjölmörgum löndum og er öll rukkun í rauntíma, þannig að þú færð enga bakreikninga. Þú þarft ekki að skrá þig sérstaklega í ferðafrelsi - ef þú ert með frelsi hjá Vodafone virkar það sjálfkrafa í þeim löndum sem Vodafone er með frelsissamninga við.

Hér getur þú valið landið sem þú ert að fara til, skoðað hvort ferðafrelsi er í boði þar og skoðað verðskrána .

Ef þú getur ekki notað frelsið þitt í því landi sem þú ert að ferðast til getur þú flutt númerið þitt tímabundið í áskrift.

Virkar símtækið mitt í Bandaríkjunum?

Þegar ferðast er til Bandaríkjanna þarf að athuga hvort símtækin virki á amerísku kerfunum sem eru 850 og 1900 kerfi. (Víðast annarsstaðar er notuð 900 og 1800 tíðni). Þessar upplýsingar ættu að finnast á vef framleiðanda símans eða í bæklingum sem fylgdu með honum.

Í USA (og víðar) er einnig svokallað IDEN kerfi og til að komast á það þarf að vera með sérstakan IDEN síma og þeir fást ekki á Íslandi. Þetta eru sérstakir símar sem Motorola hefur framleitt og virka eingöngu á IDEN kerfum.

Samkvæmt fjarskiptafyrirtækinu SPRINT geta viðskiptavinir okkar notað SIM kortin frá Vodafone í þessa síma.

Hér er svo smá Wiki fróðleikur um IDEN

Hvað kostar að nota símann í útlöndum?

Þegar GSM-síminn er notaður erlendis er greitt skv. þeirri áskriftarleið sem viðskiptavinur er skráður í. Erlendis er notuð reikiverðskrá, sem er mismunandi eftir löndum.

Ekki er hægt að nota frelsi í öllum löndum. Með því að velja landið úr landalistanum okkar getur þú séð hvort ferðafrelsi sé í boði og eins kynnt þér gjaldskrá viðkomandi lands.

Þegar hringt er í þig þegar þú ert erlendis greiðir þú fyrir millilandasímtalið, en sá sem hringir greiðir hefðbundið símtal (að því gefnu að hann sé á Íslandi). Þannig kostar bæði að hringja erlendis og taka á móti símtali.

Athugaðu að ávinningar frelsispakka og Risafrelsis (innifaldar mínútur, frítt innan Vodafone og vinanúmer) virka ekki í útlöndum.

Símanum mínum var stolið (hann týndist) á ferðalagi erlendis, hvað geri ég?

Við getum öll lent í því að símtækinu okkar sé stolið og SIM-kortið jafnvel misnotað, en þá er líka mikilvægt að vera meðvitaður um rétt viðbrögð.

Til að lágmarka skaðann af sviksamlegri notkun þarf SIM-kortið að vera læst með PIN og um leið og stuldur uppgötvast þarf að láta loka SIM-kortinu. Það er gert með því að hringja í 1414. Þeir sem eru staddir erlendis geta náð sambandi við þjónustuver Vodafone með því að hringja í +354 5999009 og hringja viðskiptavinir Vodafone gjaldfrjálst í þetta númer úr farsímanum sínum (bæði frelsi og áskrift).

Utan opnunartíma 1414 svarar símsvari þar sem tilkynna má týnda farsíma. Við vekjum einnig athygli á að utan opnunartíma má alltaf senda fyrirspurn á þjónustuver Vodafone og við svörum næsta dag.

Í þeim tilfellum þar sem tilkynningaskyldu er ekki sinnt er sú hætta til staðar að kostnaður lendi á notandanum.

Rétt er að minnast á að sé tækið í notkun erlendis er engin leið að rekja það. Við mælum með Vodafone Backup+ til að tryggja að myndir, tengiliðir o.fl. glatist ekki ef síminn týnist. Eins mælum við með að athuga hvort búið sé að virkja þær staðsetningaþjónustur sem eru í boði fyrir þitt símtæki, eins og Find My iPhone og Android Device Manager .