Spurt&Svarað

Sjónvarp

Almennt
Hvað er Vodafone Sjónvarp?

Vodafone Sjónvarp er stafrænt sjónvarpsdreifikerfi Vodafone á Íslandi. Vodafone Sjónvarp má fá gagnvirkt yfir nettengingu og þarf þá að vera með gagnvirkan hárskerpumyndlykil frá Vodafone en með honum fæst aðgangur að Leigunni, Frelsisefni sjónvarpsstöðvanna og Tímavél og er auk þess hægt að kaupa áskrift að áskriftarveitunum Hopster og Cirkus.

Einnig er hægt að fá Vodafone Sjónvarp í gegnum UHF sendingu um loftnet sem kallast Digital Ísland. Til þess að ná slíkri útsendingu þarf að vera með loftnetsmyndlykil frá Vodafone en með honum færð þú aðgang að öllum sjónvarpsstöðvum sem send eru út um loftnet á Íslandi. Nánari upplýsingar um sjónvarpsáskrift Vodafone yfir loftnet má finna hér.

Hvaða stöðvar eru fríar?

Stöðvar í opinni dagskrá eru: RÚV, RÚV+, Sjónvarp Símans, Omega, N4, Hringbraut, SportTV, CCTV News og Alþingi. Auk þess eru RÚV HD, Hringbraut HD, Sjónvarp Símans HD og N4 HD opnar þeim sem geta tekið á móti háskerpuútsendingum. Einnig þarf að tengja myndlykilinn við sjónvarpið með HDMI snúru til þess að HD rásunum í HD gæðum.

Hvar get ég bætt við áskrift á myndlykilinn minn ?
Hægt er að bæta við áskrift á viðmóti myndlykils (ýtt er á MENU með myndlyklafjarstýringunni til að fá viðmótið upp), í gegnum þjónustuver Vodafone í síma 1414 eða á Netspjalli Vodafone.
Hvaða sjónvarpsstöðvum næ ég?

Hægt er að sjá yfirlit yfir þær sjónvarpsstöðvar og áskriftarveitur sem í boði eru hér.

Hvernig get ég horft á háskerpuútsendingar?

Hægt er að horfa á HD-útsendingar í gegnum myndlykil um netið eða með háskerpu loftnetsmyndlykli (Intek)

Til að taka á móti HD-útsendingum í gegnum loftnet þarf að vera með sjónvarp með HD-móttakara eða háskerpumyndlykil frá Vodafone . Fyrir sjónvarp með HD-móttakara þarf auk þess CAM-kort frá Vodafone til að opna læstar stöðvar. Sjá verðskrá fyrir myndlykla hér.

Hvað get ég verið með marga myndlykla?

Á aukalyklasíðunni má fá ítarlegar upplýsingar um hversu margir aukamyndlyklar eru í boði eftir því hvaða dreifileið er valin.

Ég vil hafa fleiri en einn myndlykil hvað get ég gert ?

Ef þú ert með myndlykla tengda við ljósleiðara og vilt hafa fleiri en tvo myndlykla (aðeins eru tvö sjónvarps port á ljósleiðara) tengda heima hjá þér þá þarftu að fá þér switch til að tengja myndlyklana.

Ef þú ert með myndlykla tengda við router og vilt hafa fleiri en einn myndlykil tengdan heima hjá þér þá þarf að opna fyrir LAN port á router, en hægt er að hafa samband við þjónustuver Vodafone í síma 1414 eða á netspjalli og starfsmenn okkar getað aðstoðað þig að opna LAN portin.

Að opna port á router fyrir annan myndlykil á ljósneti er lítið mál en samt sem áður mælum við sterklega með því að vera með switch tengdan í port 4 en þessi switch er notaður til þess að skipta merkinu frá þessu eina porti í tvennt. Með því að nota þessa lausn þá er hægt að koma í veg fyrir mögulegt hökt.

Hvar panta ég áskrift að sjónvarpsstöðvum?

Hægt er að panta áskrift að áskriftarveitunum Vodafone PLAY og Cirkus auk stöðvapakkanna Erlendar stöðvar og annarra Vodafone stöðvapakka á aðalvef sjónvarpsþjónustu Vodafone, í þjónustuveri Vodafone í síma 1414 eða beint af viðmóti myndlykils. (Til þess að fá upp viðmót myndlykilsins þarf að ýta á MENU á fjarstýringunni af myndlyklinum)

Áskrift að Stöð 2 og aukastöðvum, sportstöðvum Stöðvar 2 og erlendum sjónvarpsstöðvum (Stöð 2 Fjölvarp) má kaupa hjá þjónustuveri Vodafone í síma 1414, áskriftarþjónustu Stöðvar 2 í síma 1817 og á áskriftarvef Stöðvar 2.

Hvar er IPTV Vodafone í boði?

Hægt er að sjá hvar gagnvirkt sjónvarp Vodafone býðst með því að fletta heimilisfanginu þínu upp hér .

Athugaðu að það er ekki hægt að vera með IPTV Vodafone á tengingum hjá Símanum yfir ljósnet eða ljósleiðara.

Ef um ADSL tengingu er að ræða þarf að ganga úr skugga um að heimilisfangið sem tengingin er á sé ekki lengra en 1,5 km frá símastöð. Á ADSL er einungis hægt að vera með einn myndlykil á IPTV.

Hvaða tengimöguleikar eru fyrir sjónvarp um ljósleiðara, ljósnet eða ADSL?

 Á ljósleiðara frá Gagnaveitu Reykjavíkur eru allir myndlyklar tengdir við ljósleiðaraboxið í port 3 eða port 4 með venjulegri netsnúru.

 Á ljósleiðara frá Mílu eru myndlyklar tengdir í gegnum netbeini (router).

Yfir ljósnet eða ADSL eru allir myndlyklar tengdir í gegnum netbeini (router) í port 4. Hægt er að stilla fleiri port á netbeini fyrir myndlykla ef þess er þörf en það á bara við um ljósnet en ekki ADSL.

Á flestum sveitaljósleiðara tengingum eru myndlyklar tengdir í gegnum netbeini á svipaðan hátt og yfir ljósnet og ADSL.

Hvaða tengimöguleikar eru í boði fyrir myndlykla frá Vodafone ?

Amino 140 er tengdur með HDMI snúru frá myndlykli í sjónvarp, en það er eina leiðin til að njóta sjónvarps í háskerpu. Einnig er hægt að tengja af mini DIN útgangi myndlykils í SCART tengi sjónvarpstæki, S-Video eða RCA (composite merki) Fyrir SCART tengið er hægt að velja RGB, S-Video eða composite merki.

Hægt er að tengja myndlykilinn við sjónvarp með loftnetsmerki (RF-signal). Hafa ber í huga að slík tenging gefur lökustu myndgæðin, en getur hentað vel til að tengja myndlykil t.d. inn á loftnetskerfi innanhúss eða til þess að tengja fleiri en eitt sjónvarp við einn myndlykil.

Get ég leigt efni gegnum myndlykil?

Vodafone býður upp á að leigja efni með gagnvirkum myndlyklum.

Á leigunni má finna þúsundir kvikmynda, þátta og fleira efnis, hægt er að kaupa aðgang að áskriftarveitum á borð við Vodafone PLAY, Cirkus og Hopster, flakka í sjónvarpsdagskránni allt að 48 tíma aftur í tímann horfa á frelsisefni sjónvarpsstöðvanna og margt fleira.

RÚV-frelsi er opið öllum í Vodafone Sjónvarpi en frelsi annarra sjónvarpsstöðva er háð áskrift.

Bæði er hægt að panta háskerpumyndir og myndir í hefðbundinni upplausn.

Allt keypt eða leigt efni í gegnum myndlyklinn er á ábyrgð rétthafa en það er sá aðili sem er skráður greiðandi fyrir myndlyklinum.

Hægt er að setja pin á ýmsar aðgerðir sem gerðar eru á myndlyklinum, m.a. keypt efni. Til þess að stilla Pin númer þá ferðu í stillingar á myndlyklinum og þaðan í Pin stillingar. Þú getur líka fundið nánari upplýsingar um læsingar á myndlyklinum með því að smella hér.

Hvar get ég séð upplýsingar um leigt efni ?
Á Mínum síðum er hægt að sjá hvaða efni hefur verið leigt að hverju sinni en einnig er hægt að hafa samband við þjónustuver Vodafone í 1414 eða í gegnum Netspjall Vodafone.
Hvað get ég horft lengi á leigt efni?
Leigt efni er virkt í 48 tíma.
Ég er með myndlykil gegnum netið, virkar hann hvar sem er?

Nei. Allir myndlyklar sem taka við mynd gegnum netið eru fastir við heimilisfang.

Frekari upplýsingar má nálgast í síma 1414 eða á netspjallinu.

Hvar fæ ég meiri upplýsingar um fjarstýringuna?

Á yfirlitssíðu myndlykla Vodafone má finna leiðbeiningar um tengingu myndlyklanna og notkun fjarstýringa.

Eru útvarpsrásir á IPTV Vodafone?

Eftirfarandi útvarpsrásir fylgja í sjónvarpsþjónustu Vodafone með Amino myndlyklum:

307 Retro
310 Bylgjan
311 Rás 1
312 Rás 2
313 FM957
314 X-ið
315 K100,5
316 Léttbylgjan
317 Gullbylgjan
318 FMX Klassík
319 BBC World Service
320 Rondo
Auk þess hefur Vodafone boðið upp á tímabundnar útvarpsstöðvar, t.d. um jólin, en þá er það auglýst sérstaklega.

Bilanagreining
Myndlykilinn er fastur í „Bíð eftir netsambandi", hvað skal gera ?

Ef þú varst að fá myndlykilinn í fyrsta sinn þá þarf að ganga úr skugga um að hann sé rétt tengdur við endabúnað. Á ljósleiðara gagnaveitunnar eru myndlyklar tengdir í port 3 eða 4 á ljósleiðara boxinu. Í gegnum ljósnet og ADSL þarf að passa að netsnúran frá myndlyklinum sé tengd í port 4 á netbeininum.

Ef þetta hefur leysir ekki vandamálið hafðu þá samband við þjónustuver Vodafone í síma 1414 eða í gegnum Netspjall Vodafone.

Þegar ég leigi efni kemur upp „Villa við afspilun, reyndu aftur síðar“

Þessi villa getur komið ef myndlykilinn hefur misst netsamband. Til að laga þessa villu ætti að vera nóg að endurræsa endabúnaði (router/ljósleiðara) og svo myndlykli.

 Ef endurræsing á búnaði lagar ekki þessa villu er hægt að hafa samband við þjónustuver Vodafone í síma 1414 eða í gegnum Netspjall Vodafone

Stafrænar truflanir (hökt á mynd/hljóði)

Yfirfarðu netsnúruna sem liggur frá myndlykli yfir í endabúnað (router/ljósleiðari), ef snúran er t.d. snúin getur það valdið stafrænum truflunum. Athugið að við mælum aldrei með að snúran sé lengri en 2 metrar. Ef snúran er tengd með tengibrú (powerline) þá er gott að endurræsa tengibrúnni (á báðum endum), ef ekki er hægt að tengja tengibrúnna beint í vegg við rafmagn þá þarf að passa að hún sé tengst fremst í millistykkinu (næst rafmagnssnúrunni).

Ef það er búið að fara yfir ofangreind atriði og vandamál er ennþá til staðar hafðu þá samband við okkur í síma 1414 eða í gegnum Netspjall Vodafone.

Lita/myndtruflanir

Ef þú ert að upplifa lita/myndtruflanir er gott að byrja á því að ýta HDMI snúrunni betur inn á myndlyklinum og í sjónvarpinu, ef truflanirnar lagast ekki þá gæti verið að HDMI snúran sé ónýt og þá þarf að endurnýja hana.

Ef það er búið að fara yfir ofangreind atriði og vandamál er ennþá til staðar hafðu þá samband við okkur í síma 1414 eða í gegnum Netspjall Vodafone.

Leiðbeiningar
Hvar finn ég leiðbeiningar fyrir fjarstýringar ?

Amino 140

Hér að neðan má sjá leiðbeiningar fyrir fjarstýringu sem fylgir með Amino 140 myndlykilinum okkar. Hér má svo finna leiðarvísirinn sem fylgir með fjarstýringunni.

No signal (HDMI vandamál)

Algengt er að þegar sjónvarpið sýnir tilkynningu á skjánum „No signal“ eða „No input signal“ að það sé ekki stillt á rétta HDMI rás á sjónvarpstækinu sjálfu. Þá þarf að stilla hana rétt með fjarstýringunni fyrir sjónvarpstækið (ekki á fjarstýringunni fyrir myndlykil Vodafone).

Fyrst þarf að athuga í hvaða hdmi tengi myndlykill er tengdur við sjónvarpið og stilla síðan á rétta rás á sjónvarpinu.

Dæmi: Ef myndlykill er tengdur í HDMI1 þá þarf að stilla á HDMI1 rás á sjónvarpinu.

Algengast er að finna takka á fjarstýringunni sem heitir SOURCE eða INPUT. Einnig eru EXT og TV takkar sem hægt er að nota á einhverjum fjarstýringum. Best er þó að lesa handbókina fyrir sjónvarpið, þar er gefið upp hvaða takki er notaður til þess að finna hdmi rásir.

Stundum er enginn texti við takkana og þá er þessi mynd algengt tákn fyrir source/input+ 

Misjafnt er eftir fjarstýringum hvernig maður skiptir á milli hdmi rása. Sumar fjarstýringar eru með sér takka fyrir hverja rás, aðrar eru með einn takka og fletti valmynd til að flakka á milli, og enn aðrar eru með einn takka og fletti valmynd þar sem þarf að nota örvatakka til þess að fletta á milli.

Á þessari fjarstýringu er sérstakur takki fyrir hverja hdmi rás. Gefum okkur það að myndlykill sé tengdur í HDMI1. Þá þarf einungis að ýta á HDMI 1 takkann á fjarstýringunni og þá kemur skjámyndin upp:

Á þessari fjarstýringu er einungis einn takki sem notaður er til að fletta á milli hdmi rása. Gefum okkur það að myndlykill sé tengdur í HDMI 1. Þá þarf að ýta á takkann nokkrum sinnum þar til HDMI1 finnst. Í hvert skipti sem ýtt er á takkann þá flettist á næstu rás:

Á þessari fjarstýringu er einn takki fyrir hdmi rásir. Fyrst ýtir maður á takkann og fær þá upp valmynd með öllum input möguleikum sem sjónvarpstækið hefur upp á að bjóða. Gefum okkur það að myndlykill sé tengdur í HDMI 1. Þá þarf fyrst að ýta á takkann og nota síðan örvarnar til að velja HDMI1 rásina:

Hvernig er myndlykill tengdur við ljósleiðara, ljósnet eða ADSL ?

Ljósleiðari Gagnaveitu Reykjavíkur : Á ljósleiðara frá Gagnaveitu Reykjavíkur þarf að nota netkapal sem er tengdur frá myndlykli yfir í ljósleiðarabox (fer í annaðhvort port 3 eða port 4).

Ljósleiðari Mílu/Sveitaljós : Á ljósleiðara Mílu eða úti á landi þarf að nota netkapal sem er tengdur frá myndlykli yfir í router (fer í LAN4 á router).

Ljósnet/ADSL : Á Ljósnet eða ADSL þá þarf að tengja netkapal frá myndlykli yfir í router (fer í LAN4 á router).

Hvað er pin númerið ?

PIN númerið á Amino 140 er 1234 í upphafi.

Það er hægt að breyta því með því að velja; Menu á fjarstýringunni - Stillingar - Pin stillingar - Þar inni er hægt að breyta ýmsum stillingum fyrir pinnið og einnig að setja nýtt pin.

Leigan
Er hægt að læsa Leigunni á IPTV?

Já, það er hægt að læsa leigunni með því að velja "Stillingar - Pin stillingar" undir aðalvalmynd (menu). Þá er efni á Leigunni læst og sérstakt Pin-númer þarf til að leigja efni hverju sinni.

Hægt er að stilla myndlykilinn þannig að hann biðji um Pin númer við ákveðnar aðgerðir. Þær eru eftirfarandi:

  • Aldursstilling á efni - Þar er hægt að stilla það að þú ert beðin(n) um pin númer þegar þú leigir efni sem er með aldurstakmark.
  • Leyfa kaup á stökum viðburðum eða áskriftarpökkum.
  • Stilla pin á erótískar stöðvar.
  • Pin þegar skipta á um stöð.
  • Pin þegar afspilun á tímavél er notuð.

Við bendum sérstaklega á að ef fleiri en einn myndlykill er á heimilinu þá er læsing stillt á hvern myndlykil fyrir sig (inni í stillingum á honum). Læsing sem stillt er á einum myndlykli tekur ekki sjálfkrafa gildi í öðrum myndlyklum heimilisins.

Ef þú lendir í vandræðum getur þú alltaf haft samband í 1414 eða á netspjallinu.

Get ég stjórnað notkun minni á Leigunni?

Já, allir viðskiptavinir Vodafone eru með 50.000 kr. þak á Leigunni.

Til að breyta úttektarþakinu er hægt að fara á Mínar síður, hafa samband við þjónustuver Vodafone í síma 1414 eða í gegnum Netspjall Vodafone.

Almennt
Hverjir geta fengið sumarbústaðarlykil?

Nokkrar áskriftarleiðir eru í boði fyrir sumarbústaðaráskriftir. Yfirlit yfir þær má finna hér .

356 miðlar ( þjónustuver þeirra er með símann 512 5100 ) sjá um opnun á sumarbústaðarlyklum en Vodafone sér um að afhenda þá. Vodafone sér ekki um að færa áskrift á milli myndlykla. Öll umsýsla með áskriftir fer í gegnum 365 miðla.

Hvernig loftnet þarf til að ná útsendingu Digital Ísland?

Digtal Ísland sendir út á UHF bandi um allt land. Til að ná UHF útsendingum Digital Ísland þarf UHF loftnet og loftnetsmyndlykil.

Framboð stöðva á UHF kerfum Digital Íslands er takmarkaður við 7 til 13 stöðvar eftir svæðum, sjá nánari upplýsingar hér. Loftnet geta verið mismunandi að gæðum og gildir því sú regla að því veikara merki sem næst (t.d. ef búseta er langt frá sendi eða í skugga) því betra loftnet þarf. Lágsuðs loftnetsmagnarar geta oft á tíðum bætt móttöku merkja til muna þar sem tæpt er.

Loftnetin fást hjá raftækja- og loftnetsverslunum. Vodafone veitir ekki loftnetsþjónustu.

Hvaða búnað þarf ég til að ná útsendingunum?

Til að ná stafrænum útsendingum þarf stafrænan búnað. Hjá Vodafone getur þú fengið Digital Ísland myndlykil eða CAM-kort sem hægt er að setja í mörg nýrri sjónvörp, sjá nánar hér.

Hvað er Vodafone Sjónvarp?

Vodafone Sjónvarp er stafrænt sjónvarpsdreifikerfi Vodafone á Íslandi. Vodafone Sjónvarp má fá gagnvirkt yfir nettengingu og þarf þá að vera með gagnvirkan hárskerpumyndlykil frá Vodafone en með honum fæst aðgangur að Leigunni, Frelsisefni sjónvarpsstöðvanna og Tímavél og er auk þess hægt að kaupa áskrift að áskriftarveitnum Vodafone Play, Hopster og Cirkus. Nánari upplýsingar um Vodafone má finna hér.

Einnig er hægt að fá Vodafone Sjónvarp í gegnum UHF sendingu um loftnet sem kallast Digital Ísland. Til þess að ná slíkri útsendingu þarf að vera með loftnetsmyndlykil frá Vodafone en með honum færð þú aðgang að öllum sjónvarpsstöðvum sem send eru út um loftnet á Íslandi. Nánari upplýsingar um sjónvarpsáskrift Vodafone yfir loftnet má finna hér.

Hvar fæ ég nýjan myndlykil?

Hægt er að nálgast stafræna myndlykla í næstu Vodafone verslun og hjá umboðsmönnum Vodafone um land allt.

Þegar þú sækir nýjan myndlykil er gott ráð að skila þeim gamla ef að er ætlunin, koma þá með lykilinn og fjarstýringuna með þér.

Allar frekari upplýsingar geturðu fengið í síma 1414 eða á netspjallinu .

Hvernig stilli ég stöðvar inn á myndlykilinn?

Þessar leiðbeiningar miðast við Digital Ísland myndlykilinn): Ýtt á Menu á fjarstýringunni, flett á sjálfvirka leit og ýtt á OK . Ef beðið er um pin nr þá er það 0000 . Þá kemur upp rammi með Kerfisleit af Leitartegund allt. Þessu þarf ekki að breyta heldur bara ýta á OK og þá byrjar lykillinn að leita að stöðvum.

Ekki þarf að ýta á neitt fyrr en það kemur á skjáinn Leit Lokið , ýtt er þá 3x á OK takkann til að vista og þá kemur aðalvalmynd aftur upp og þá er ýtt á Exit .

Ef engar stöðvar fundust er mögulegt að loftnetið sé ekki rétt tengt við myndlykilinn. Ef að það kemur ,,Lokuð Rás" á stöð sem þú ert með áskrift af, er best að hafa samband við okkur í 1414 eða á netspjallinu.

Sért þú með Amino myndlykil (móttaka um ADSL- eða ljósleiðaratengingu) koma nýjar stöðvar inn sjálfkrafa eða þegar þú endurræsir myndlykilinn.

EF Amino festist í myndlykill ræsir sig er ekki netsamband á lyklinum. þá þarf að fara yfir tengingar.

Hvar panta ég áskrift að sjónvarpsstöðvum?

Hægt er að panta áskrift hér á vodafone.is, í gegnum Netspjall Vodafone eða með því að hringja í þjónustuver okkar í síma 1414.

Bilanagreining
Hvað getur valdið truflunum á loftneti?

Helstu þættir sem geta valdið truflunum á móttöku sjónvarpsmerkja um loftnet eru:

  • Ef raki kemst í loftnetskapalinn eða loftnetið sjálft getur það haft truflandi áhrif á móttökugæðin.
  • Eitthvað skyggir á sendinn, t.a.m. tré eða byggingar.
  • Sé merki tæpt geta truflanir orðið vegna veðurs (sérstaklega mikillar snjókomu eða rigningar) .
  • Einnig getur valdið vandamálum þegar merki berst yfir sjó. Við ákveðin skilyrði getur endurkast frá sjó borist í loftnetið ásamt merkinu frá sendinum, þetta getur valdið tímabundnum truflunum.

Í þeim tilvikum sem merki loftnetsins berst til myndlykilsins um loftnetskerfi fjölbýlishúss getur loftnetskerfið verið að valda truflunum. Tengi geta verið biluð eða komið slit í þau. Of sterkt merki getur valdið truflunum.

Ég fæ „Scrambled channel“

Það þýðir að myndlykillinn nær ekki að lesa áskrift af kortinu. Fyrir þessu eru aðallega 2 ástæður:

1. Þegar nýr myndlykill er settur í samband eða nýtt kort í myndlykil tekur alla jafna um 30-60 mín fyrir áskrift að opnast og kemur þá Scrambled Channel á skjáinn á meðan.

2. Ýtið á Menu á fjarstýringunni fyrir myndlykilinn og veljið Aðgangskerfi á skjánum
Þarna inni á að standa CAS RAUF 1: CONAX CA

Ef eitthvað annað stendur þar þá þarf að taka kortið út úr lyklinum og þurrka af því. Einnig má prófa að blása í kortarauf myndlykilsins og setja kortið aftur inn. Ef það gengur ekki er rétt að hafa samband í 1414 eða á netspjallinu.

Ef myndin lagast ekki eftir samtal við þjónustufulltrúa er næsta skref að skipta kortinu út í næstu verslun Vodafone eða hjá næsta umboðsmanni.

Ég fæ bara lokuð rás

Ef það er búið að greiða fyrir áskriftina að viðkomandi stöð þá þarf að hafa samband við Vodafone í síma 1414 eða á netspjallinu.

Ef allar rásir sýna "lokuð rás" athugið þá hvort loftnetsmerkið er til staðar með því að styðja á bláa takkann. Þá kemur S og Q mæling neðst á skjáinn. Ef S og Q er 0% athugið þá hvort loftnetssnúran sé í sambandi við myndlykilinn. Lág gildi á S og Q benda til að annað hvort viðkomandi loftnetskerfi eða útsending hafi bilað.


Ég fæ „No signal / Ekkert merki“

Styðjið á bláa takkann á fjarstýringunni og athuga S og Q %. Ef S og Q er 0% athuga þá hvort loftnetssnúran er tengd við myndlykilinn. Ef S og Q gildin eru lág þá getur viðkomandi loftnetskerfi eða útsending hafa bilað.

Prófaðu að taka myndlykilinn úr sambandi í 30 sekúndur og stinga honum svo aftur í samband. Því næst ferðu í sjálfvirku leitina (Menu -> Sjálfvirk leit) og leyfir myndlyklinum að rúlla í gegnum það.

Ef það leysir ekki vandann þá þarf að skoða eftirfarandi hluti.
1. Er myndlykill rétt tengdur?(sjá uppsetningarleiðbeiningar)
2. Skipta út loftnetssnúru frá vegg í myndlykil.
3. Mögulega bilaður myndlykill.
4. Mögulega bilað loftnet.

Ég fæ „Smartcard wrong inserted“

Prófaðu að taka myndlykilinn úr sambandi í 30 sekúndur og stinga honum svo aftur í samband.

Ef ekkert breytist við það, þá er líklegt að smartkortið snúi vitlaust í lyklinum.

Gullkubburinn (örgjörvinn) á alltaf að snúa niður og stingast fyrst inn.

Einnig getur drulla á örgjörvanum valdið. Það má þurrka varlega yfir örgjörvann með rakri tusku.

Ef vandamál er enn til staðar þá þarf að skipta út búnaði.

Ég fæ mjög óskýra mynd

Þegar þú tengir myndlykilinn við sjónvarpið eingöngu með RF snúru (loftnetssnúru) þá skila myndgæði sér ekki eins vel í sjónvarpið og þegar notuð er SCART eða RCA snúra.

Við mælum því með að notuð sé SCART snúra (eða RCA) þar sem því verður komið við. Einnig gæti verið að myndgæði batni til muna þegar skipt er um útgangsrás á lyklinum:

1. Menu
2. Uppsetning
3. RF útgangsrás (PIN númer = 0000)
4. Það hægt að færa útgangsrásina frá 33 yfir á t.d. 35 (hún má vera frá 21-45)

Svo er bara um að gera að prófa næstu útgangsrás og athuga hvort myndin lagist. Athugaðu að þá þarf að láta sjónvarpið finna myndlykilinn á nýju rásinni.

HD
Hvernig get ég horft á háskerpu útsendingar?

Hægt er að horfa á HD-útsendingar í gegnum örbylgjuútsendingar eða gagnvirkt sjónvarp yfir netið.

Til að taka á móti HD-útsendingu um örbylgjuloftnet þarf sérstakan Digital Ísland HD-lykil eða sjónvarp með HD móttakara. Fyrir sjónvarp með HD móttakara þarf auk þess CAM-kort frá Vodafone til að opna læstar áskriftarstöðvar. Jafnframt er hægt að ná HD-útsendingu í gegnum myndlykil um ljósleiðara, ljósnet eða adsl.

Eru háskerpulyklarnir með myndmótara?

Digital Ísland háskerpumyndlyklar Vodafone eru ekki með myndmótara.

Það þýðir að myndin frá lyklunum er ekki að mótast inn á loftnetskerfi notandans. Myndin fæst bara með Scart, HDMI tengi (Composite fyrir þá sem ekki nota HDMI) eða RCA tengi.

Get ég horft á háskerpuútsendingar í sjónvarpinu mínu?

Til að horfa á háskerpuútsendingar þarftu sjónvarp með innbyggðum háskerpumóttakara fyrir loftnet sem er DVB-t2.

Ef slíkur móttakari er ekki til staðar getur þú notað háskerpumyndlykil frá Vodafone, CAM-sjónvarpskort, ef sjónvarpið þitt getur tekið við slíku korti, eða fengið gagnvirka sjónvarpsþjónustu yfir nettengingu.

Hvar fæ ég háskerpumyndlykil?

Þú færð háskerpumyndlykla fyrir loftnet, CAM-kort eða gagnvirkan háskerpumyndlykil fyrir sjónvarp yfir nettengingu í næstu verslun Vodafone.

Leiðbeiningar
Hvernig tengi ég saman aðallykil, aukalykil og myndbandstæki?

Hægt er að nálgast leiðbeiningar fyrir það með því að smella hér

Hvernig virkar fjarstýringin?

Með því að smella hér sérðu ítarlega mynd sem sýnir hvernig fjarstýringin fyrir hefðbundinn loftnetslykil virkar.

Hvað er PIN númerið?

Hefðbundinn loftnetsmyndlykill (Kaon)

PIN númerið er 0000 í upphafi.

Það er hægt að breyta því.
1. Menu
2. Uppsetning
3. 0000
4. Breyta PIN-númeri
5. Hægri píla
6. Slærð inn gildandi PIN-númer (0000)
7. Nýtt PIN-númer
8. Staðfesta
9. Exit

Háskerpu-loftnetsmyndlykill (Intek)

1. Smelltu á MENU takkann.

2. Smelltu á Ok við Aðgangsstýringar.

3. Smelltu á OK við Breyta PIN-númeri.

4. Stimpla inn Eldra PIN-númeri. (1111)

5. Stimpla inn Nýtt PIN-númer.

6. Stimpla nýja lykilorðið inn aftur.

7. Ok til að staðfesta breytingar

8. Ok til að loka.

Hvernig endurraða ég stöðvalistanum?

Veljið MENU á fjarstýringu og farið svo eftir skrefunum hér að neðan:

1. Veljið Endurraða stöðvalista.
2. PIN: 0000 (nema þú sért búinn að breyta því).
3. Ýtt á rauða takkann (SUB-T)
4. Veljið svo hreyfa með OK takkanum.
5. Farið með örina á stöðina sem á að færa til og ýtið á OK (bæta við vallista)
6. Ýtið á bláa takkann (hreyfa)
7. Færið píluna upp á þá rás sem óskað er eftir og ýtið á OK.
8. Ýtið svo á Exit, veljið OK við spurningu um hvort eigi að vista. Endurtakið til að raða fleiri stöðvum.

Hvernig læsi ég einstaka stöðvum?

1. Veldu Menu.
2. Veldu Endurraða stöðvalista og ýttu á Ok.
3. Sláðu inn leyninúmer (0000)
4. Ýttu á rauða takkann (fara í vallista)
5. Veldu Læsa (með örvunum) og ýttu á Ok.
6. Finndu þá stöð sem þú vilt læsa og smelltu á Ok, þá á sú stöð að fara yfir í hægri gluggann.
7. Stöðin er læst, því næst geturðu ýtt á Exit.
8. Ýttu á Ok (viltu vista) Nú ætti viðkomandi stöð að vera læst og biður um PIN-númerið til að opna hana.

Við mælum með því að þú breytir PIN númerinu þínu úr 0000 í einhverja aðra fjögurra stafa talnarunu. Það er gert svona:

1. Menu
2. Uppsetning og slærð inn gildandi PIN-Númer (0000) .
4. Breyta PIN-Númeri.
5. Ýtir á hægri pílu.
6. Slærð inn gildandi PIN-Númer (0000).
7. Stimplar inn nýja PIN-Númerið.
8. Staðfestir með Ok takkanum.

Hvar fæ ég loftnetsþjónustu?

Á vefsíðu Samtaka rafverktaka (SART) getur þú séð lista yfir fyrirtæki sem sinna loftnetsþjónustu. Fjölmörg fyrirtæki að auki selja loftnet og lagnaefni fyrir uppsetningar á loftnetskerfum. Hægt er að leita upplýsinga um þau t.d. hjá Já.is

Hvernig næ ég stöðvunum inn á sjónvarpið mitt?

Ef þú ert í vandræðum með að horfa á dagskrá í gegnum sjónvarpið sjálft (þ.e. þegar ekki er stillt á myndlykilinn) þarf að setja "loopu" á myndlykilinn.

Það þarf að setja eina loftnetsnúru í loop götin aftan á myndlyklinum. Inn á "ant inn" (ekki þar sem myndin af loftnetinu er heldur við hlið þess) og inn á "loop through" sem er ská fyrir neðan.

Þegar búið er að gera þetta þá áttu að ná stöðvum eins og RÚV á sjónvarpinu sjálfu. Þú þarft þá að skipta yfir á sjónvarpið til að horfa á þær.

Hægt er að sjá mynd af loopu hér.

Ég fæ bara svarthvíta mynd

Ef sjónvarpið þitt sýnir allt svarthvítt úr Digital Ísland myndlyklinum skalt þú prófa að ýta á P.STD takkann á fjarstýringunni og skipta yfir á PAL eða sjálfvirkt.

Ef það virkar ekki og þú ert með afruglarann tengdan í sjónvarp með skarttengi þá geturðu prófað að fara í (Menu -> Uppsetning -> Scart út) og skipta um stillingu.

Einnig getur þú líka kannað hvort scarttengið sé alveg fast í tengi á annaðhvort sjónvarpi eða afruglara.

Upptökulykill
Hvernig virkar upptökulykill?

Með Digital Ísland upptökumyndlyklinum getur þú tekið stjórnina á sjónvarpinu þínu. Þú getur sett á pásu þegar þú horfir á sjónvarpið og spólað fram og til baka í upptökunni.

Horfðu á tvær stöðvar í einu með mynd-í-mynd (tveir móttakarar) og færðu myndina til á skjánum eins og þér hentar.

Stilltu upptöku fram í tímann og horfðu á upptekið efni allt að þremur vikum síðar. Upptökulykillinn er einnig með yfirliti yfir dagskrána hverju sinni með svokallað EPG-Grid.

Hvar fæ ég upptökumyndlykil?

Við bjóðum upp á eina tegund af Intek myndlykli sem þú getur fengið í næstu verslun Vodafone. Sjá upplýsingar um staðsetningu og opnunartíma verslana Vodafone.