Nýjasta viðbótin í Airpods línuna frá Apple. Fjórða kynslóðin

Airpods 4 Active Noise Cancellation þaggar niðrí heiminum á góðan máta. Ef þú vilt.

Umhverfishljóð, svo sem kliður í Kringlunni, læti inn í flugvél og annað slíkt heyrir sögunni til.

Ekki hafa áhyggjur, tækið skynjar þó þegar einhver talar við þig og dempar tónlistina svo þú missir nú örugglega ekki af einhverju mikilvægu.

Þrívíð upplifun hvort sem þú ert að hlusta á tónlist, þætti, leiki eða kvikmyndir þökk sé Spatial audio.

Airpods 4 kemur með öflugum H2 örgjörva sem gerir tækinu kleift að þjóna öllu með betra móti en áður. Svo sem að stilla hljóðið sjálfkrafa eftir þinni heyrn og þínu tíðnisviði. Með aldrinum heyrir fólk t.d. minna í hátíðni og eykur því tækið það bil þannig að þú njótir sem bestu hljómgæða.