Vodafone
Spurt&Svarað

Heimasími

Almennt
Heimasímabilun - Þú hefur ekki aðgang að þessu númeri

Í þeim tilfellum sem símsvari les upp skilaboðin:

„Þú hefur ekki aðgang að þessu númeri“

Geta eftirfarandi ástæður legið að baki:

- Skuldalokun
- Símtalalæsing
- Númerið sem hringt er í hefur gert símtalsflutning í númer sem hringjandinn hefur ekki aðgang að.

Til að fá nánari upplýsingar endilega hafðu samband í síma 1414, á netspjalli Vodafone eða sendu okkur línu í gegnum hafa samband á heimasíðu Vodafone.

Þarf nýr viðskiptavinur að greiða stofngjald fyrir heimasíma?

Nei, ekkert stofngjald er á heimasíma og ekki er ákveðinn binditími við upphaf samnings.

Ég er að flytja, hvernig á ég að tilkynna það?

Þegar viðskiptavinur flytur þarf að tilkynna það til Vodafone með góðum fyrirvara svo flutningur á heimasíma, nettengingu og sjónvarpsþjónustu gangi sem best fyrir sig.

Hafa þarf samband í þjónustuver Vodafone í síma 1414. Gott er að hafa nýja heimilisfangið, íbúðarnúmer og dagsetningu flutnings.

Allt að tíu virkir dagar geta liðið frá því að tilkynning berst til Vodafone og þar til flutningur getur átt sér stað svo best er að hafa samband með a.m.k. 10 daga fyrirvara. Flutningsgjald má sjá í verðskrá heimasíma.

Endilega hafðu samband við okkur í síma 1414, á netspjalli Vodafone eða sendu okkur línu í gegnum hafa samband á heimasíðu Vodafone.

Hvernig á að setja kóðalæsingu á / taka af?

Kóðalæsing á heimasíma er sett á með því að slá inn:

*33*lykilnúmer#

Kóðalæsing á heimasíma er tekin af með því að slá inn:

#33*lykilnúmer#

Nánari upplýsingar má finna á verðskrá heimasíma.

Þú getur haft samband við okkur í síma 1414 eða með netspjalli.

Aðgerðir fyrir heimasíma
Hvernig á að taka símtalslæsingu af í heimasíma?

Ef þú ert með símtalslæsing með kóðalæsingu þá er hægt að taka hana af með lykilnúmeri en ef þú manst ekki lykilnúmerið verður þú að koma í verslun okkar með skilríki og fá hann uppgefinn. Ekki er hægt að fá upplýsingar um lykilnúmer í gegnum síma.

Til að taka af fastar læsingar þá þarft þú að koma í verslun og framvísa skilríkjum.

Fyrir frekari upplýsingar og aðstoð geturðu haft samband í síma 1414 eða með netspjalli.

Hvað er númeraleynd?

Með númeraleynd er komið í veg fyrir að símanúmer sem hringt er úr, birtist á númerabirti þess sem hringt er í.

Til þess að virkja númeraleynd fyrir heimasíma þá þarf að hringja í *31*#, til þess að afvirkja leyndina þá þarf að hringja í *31#

Fyrir farsíma þá þarf að setja #31# fyrir framan númerið sem á að hringja í með númeraleynd og sést þá númerið ekki í því tiltekna símtali. Einnig er hægt að setja á fasta númeraleynd í flestum símtækjum.

Nánari upplýsingar og aðstoð fást í þjónustuveri 1414 eða með netspjalli.

Hvernig á að aftengja vakningu hjá Vodafone?

Til að aftengja (hætta við) vakningu þá þarf að hringja úr sama síma og vakningin var pöntuð úr.

Hringt er í 534 4444 og þá er gefinn möguleiki á að :

- hætta við vakningu: velja 1
- breyta vakningu: velja 2

Hvernig á að stilla símtal bíður?

Hægt er að stilla símann þannig að það heyrist stutt hljóðmerki ef hringt er á meðan símtali stendur. Þá er hægt að „geyma“ þann viðmælanda og svarað þeim er hringir

Þjónustan er virkjuð á eftirfarandi hátt:

Þjónustan tengd: velja *43#
Þjónustan aftengd: velja #43#

Til að svara símtali sem bíður er valið:

- R2 þá er símtal nr 2 tengt.
- Til að skipta á milli símtala er valið R .

Nánari upplýsingar og aðstoð má fá í síma 1414 eða með netspjalli.

Hvernig á að stilla símtalsflutning / hringiflutning?

1. Símtalsflutningur ef ekki er svarað:

Flutningur tengdur, velja: *61*símanúmer# sem á flytja símtölin í.
Dæmi: *61*5123456#

Flutningur aftengdur, velja: #61#

Ef engin tímalengd er stillt sem á að líða áður en símtal flyst þá flyst símtalið eftir 15 sekúndur. (u.þ.b 4 hringingar).

Ef annarrar tímalengdar er óskað er slegið inn: *61* símanúmer* (sekúndur) #

Sekúndur = tíminn sem á að líða áður en símtal flyst.

Tímalengdin getur verið 5, 10, 15, 20, 25 eða 30 sekúndur.

Dæmi: *61*5123456*25#, við þetta flyst númerið í 512 3456 eftir 25 sekúndur.

2. Hringiflutningur – allar hringingar

Flutningur tengdur: *21*símanúmer #

Flutningur aftengdur, velja: #21#

Dæmi: *21*5123456#, við þetta flytjast allar hringingar úr heimanúmerinu í númerið 512 3456

3. Hringiflutningur – þegar er á tali

Flutningur tengdur: *69*símanúmer#

Flutningur aftengdur, velja: #69#

Dæmi: *69*5123456#, við þetta flytjast öll símanúmer úr heimanúmerinu í númerið 512 3456

Einnig er hægt að stilla hringiflutning á Mínum síðum fyrir farsíma.

Athuga virkar ekki fyrir ISDN númer

Hvernig á að stilla símtalslæsingu með lykilnúmeri?

Til þess að eiga kost á að nota símtalslæsingu með lykilnúmeri, þarf rétthafi símanúmersins að hafa samband við þjónustuver 1414 úr tilteknum síma eða mæta í verslun.

Rétthafi velur þar lykilorð og læsingarflokk sem notað er til að læsa og aflæsa völdum flokki.

Til að virkja símtalslæsingu er valið *33*lykilnúmerið#

Dæmi: * 33 * 1234 #

Til að taka læsingu af er valið #33*lykilnúmerið#

Dæmi: # 33 * 1234 #

Nánari upplýsingar og aðstoð má fá í síma 1414 eða með netspjalli.

Hvað er símtalslæsing?

Símtalslæsing er notuð til að koma í veg fyrir að hægt sé að hringja út úr tilteknu símtæki.

Þó svo að símtalslæsing sé virk á símtæki er engu að síður hægt að móttaka símtöl.

Hægt er að velja úr eftirfarandi símtalsflokkum, hvort sem einn eða fleiri flokkar séu valdir til að láta læsa fyrir.

  1. Símtöl til útlanda
  2. Símtöl í farsíma
  3. Þjónustunúmer
  4. Öll 900 númer

Til þess að skrá læsingarflokk, farið inn á „mínar síður“ eða hafið samband við þjónustuver 1414 eða með netspjalli.

Til þess að aflétta læsingarflokki, þarf rétthafi símanúmers að mæta í verslun og framvísa skilríkjum (þ.e.a.s. ef föst símtalslæsing hefur verið valin, þ.e. án lykilnúmers).

Hvernig á að stilla þriggja manna tal?

Þriggja manna tal í heimasíma býður upp á möguleikann að tala við tvo í einu.

Allir þátttakendur heyra í hver öðrum og geta talað saman.

- Byrjað er á að velja fyrra símanúmerið
- Þegar því hefur verið svarað er valið R og beðið eftir són
- svo er seinna símanúmerið valið.
- Þegar seinna símanúmerið hefur svarað er valið R3 til þess að allir geti talað saman.

Dæmi: 512 3456 > R (beðið eftir són) > 500 0000 > (seinna númeri hefur verið svarað) R3

- Einnig er hægt að skipta á milli viðmælenda með því að nota R2 .

Það er ekki hægt að stofna til þriggja manna tals úr farsíma nema símtækið sjálft styðji það.

En hægt er að bjóða farsímanúmeri í samtalið sem fyrsta eða öðrum viðmælanda.

Hvernig á að stilla vakningu?

Til að virkja vakningu er hringt í símanúmerið 534 4444 og símsvarinn leiðir í gegnum hvernig á að gera þjónustuna virka. Vakningarþjónusta Vodafone virkar á öllum símkerfum, ekki þarf að vera með Vodafone síma til að hún virki.

Eftir að vakningarþjónustan hefur verið gerð virk, gerir símstöðin, ef ekki er svarað í tilraun 1:

- 2 tilraunir í viðbót til að hringja til baka
- með 3 mínútna millibili.

Þjónustuna er hægt að virkja einn sólarhring fram í tímann.
(þ.e. ekki hægt að stilla inn vakningartíma eftir t.d. viku).

Hægt er að aftengja þjónustuna með því að hringja í símanúmerið 534 4444 fyrir settan vakningartíma.

Hægt er að velja um tvennt:

- Afvirkja vakningu (hætta við) velja 1
- Breyta vakningartímanum velja 2


Aðeins er greitt fyrir hefðbundið símtal við virkjun.

Hvernig á að stilla númeraleynd?

Til að fela númerið sem hringt er úr, er valið *31*# til að virkja númeraleyndina.

Til að birta númerið aftur er valið *31#

- Virkja : *31*#

- Aftengja : *31#

Fundarsími
Hvað geta margir talað saman í einu?

Hægt er að boða allt að 10 gesti á fund hvar og hvenær sem er.

Fundarstjóri skilgreinir:

- Tíma
- Símanúmer
- Auðkennisnúmer fundarins.

Fundarmenn hringja síðan í 757 5000 og slá inn símanúmer fundarstjóra og auðkennisnúmer fundar sem fundarstjóri hefur þegar sent út, t.d. með tölvupósti.

Við þetta fæst samband við símafundinn.

Getur fundarstjóri greitt fyrir allt símtalið?

Nei, hver og einn fundarmeðlimur greiðir fyrir sitt símtal.

Hvað kostar að nota Fundarsímann?

Verðskrá fundarsíma Vodafone má nálgast hér.

Allir þátttakendur greiða sama mínútuverð og er það óháð því hvort hringt er úr GSM eða heimilissíma eða hvaða símafyrirtæki þátttakandi skiptir við.

Ekkert mánaðargjald né stofngjald er rukkað í Fundarsíma Vodafone.

Hvernig á að boða símafund með Fundarsímanum?

Hægt er að boða allt að 10 gesti á fund hvar og hvenær sem er.

Fundarstjóri skilgreinir :

- tíma
- símanúmer
- auðkennisnúmer fundarins.

Fundarmenn hringja síðan í 757 5000 og slá inn:

- símanúmer fundarstjóra
- auðkennisnúmer fundar (sem fundarstjóri hefur þegar sent út, t.d. með tölvupósti).
- Staðfesting er spiluð þegar nýr fundarmaður tengist símafundi.
- Hægt er að hringja í 757 5000 úr öllum símum og frá útlöndum, en þá er hringt í +354 757 5000.

Skref-fyrir-skref

Sá sem boðar fund (fundarstjóri) þarf að ákveða tíma og fjögurra stafa lykilorð.

Hann þarf einnig að slá inn símanúmerið sitt sem hann hringir úr.

Þessum upplýsingum kemur fundarstjóri til annarra fundargesta.

Hægt að notast við t.d. tölvupóst og SMS til þess að koma skilaboðunum áleiðis.

Ekki þarf að stofna fundinn sérstaklega,

- heldur hringja allir fundargestir í 757 5000 á tilsettum tíma.

- Fundurinn verður til í símkerfinu við það að fyrsti þátttakandi hringir inn,

- Sá fyrsti sem hringir inn einkennir fundinn með því að slá sitt símanúmer inn, því næst velur hann auðkennisnúmer.

Talvél svarar og í framhaldi er símanúmer fundarstjóra slegið inn og svo ýtt á #. Því næst er fjögurra stafa auðkennisnúmer sem fundarstjóri hefur úthlutað slegið inn og svo ýtt á #.

Dæmi:

- Hringt er í 757 5000

- Slegið inn númeri fundarstjóra : 5123456 # 1234 #

- Þátttakandi fær samband við fundinn

- Talvélin tilkynnir um nýjan þátttakanda

- Þátttakandi yfirgefur fundinn með því að leggja á.

Uppfærsla á ljósneti og ljósleiðara
Er munur á heimasímaþjónustunni þegar hún er tengd um koparlínu eða ljósleiðara?

Heimasímaþjónustan er sú sama, þú getur notað sama símtæki, heldur sama númeri og hringir og móttekur símtöl með sama hætti og áður.

Virkar heimasími á ljósleiðara í rafmagnsleysi?

Ljósleiðarar flytja ekki rafmagn og því er ekki tryggt að heimasímaþjónustan virki í rafmagnsleysi með sama hætti og þegar heimasímaþjónustan er tengd um koparlínu.

Ef þú ert með öryggiskerfi eða neyðarhnapp sem eru tengdir við koparlínuna er mikilvægt að þú hafir samband við öryggisfyrirtækið þitt og látir það vita af þessari uppfærslu með góðum fyrirvara (ekki seinna en 3-5 virkum dögum fyrir uppfærsluna). Öryggisfyrirtækin vita af uppfærslum á heimasímatengingum og bjóða samhliða upp á uppfærslur á tengingum við öryggiskerfin.

Athugið að Vodafone er óheimilt að hafa samband við öryggisfyrirtækin vegna uppfærslna á stökum tengingum og því er mikilvægt að þú hafir samband við þá sjálf(ur).

Ef það er rafmagnslaust og þú þarft að hringja þá mælum við með notkun farsíma til þess.

Ég er með öryggiskerfi eða neyðarhnapp, þarf að gera einhverjar breytingar?

Ef þú ert með öryggiskerfi eða neyðarhnapp sem eru tengdir við koparlínuna er mikilvægt að þú hafir samband við öryggisfyrirtækið þitt og látir það vita af þessari uppfærslu með góðum fyrirvara (ekki seinna en 3-5 virkum dögum fyrir uppfærsluna). Öryggisfyrirtækin vita af uppfærslum á heimasímatengingum og bjóða samhliða upp á uppfærslur á tengingum við öryggiskerfin.

Athugið að Vodafone er óheimilt að hafa samband við öryggisfyrirtækin vegna uppfærslna á stökum tengingum og því er mikilvægt að þú hafir samband við þá sjálf(ur).

Get ég haft öryggiskerfi eða neyðahnapp á koparlínu áfram og fært aðrar þjónustur á ljósleiðara (heimasíma, internet, sjónvarp)?

Nei því miður það verður ekki lengur í boði, það er verið að leggja niður koparlínusímkerfin. Þú þarft að hafa samband við öryggisfyrirtækið þitt til þess að uppfæra tengingu þeirra kerfa.

Af hverju er Vodafone að hætta að bjóða heimasímaþjónustu um koparlínur?

Undanfarin ár hefur verið mikil og aukin eftirspurn eftir öflugum nettengingum og þeirri eftirspurn er ekki lengur hægt að anna með koparlínum frá heimilum inn í símstöðvar.

Til þess að anna þessari eftirspurn hefur verið mikil uppbygging á ljósleiðaratengingum, bæði beint inn á heimilin eða í götuskápa með koparlínu frá götuskáp inn á heimilið.

Með þessum breytingum eru ekki lengur forsendur til þess að viðhalda sérstökum koparlínusímkerfum fyrir heimasíma og þess í stað hefur heimasímaþjónustan verið uppfærð þannig að hún styðji tengingu yfir ljósleiðara.

Önnur íslensk fjarskiptafyrirtæki eru á sömu vegferð, Síminn hefur einnig tilkynnt um útleiðingu á koparlínusímkerfum í áföngum til 2020.

Skiptir máli hvernig netbeini ég er með?

Já, það skiptir máli. Einhverjir netbeinar styðja ekki tengingu við heimasíma en við getum græjað það fyrir þig.

Ég er ekki neð neina nettengingu og vil bara vera með heimasíma, get ég tengst áfram um koparlínuna?

Nei því miður það verður ekki lengur í boði, það er verið að leggja niður koparlínusímkerfin.

Endilega hafðu samband við okkur og við getum fundið farsæla lausn fyrir þig.

Borga ég sama mánaðargjald og áður?

Já, þú borgar sama mánaðargjald fyrir heimasímann og áður.

Það er einfalt að koma yfir til Vodafone

Fáðu tilboð hjá okkur í síma, internet eða sjónvarp. Fyrir þig eða alla fjölskylduna. Besti díllinn gæti verið handan við hornið.