Viðbragðsteymi okkar var í gær virkjað og hefur unnið hörðum höndum með Neyðarlínu, Almannavörnum og öðrum fjarskiptafélögum í að tryggja örugg fjarskipti við Grindavík. Mikið álag myndast á símkerfi við neyðarstig Almannavarna og með hröðum viðbrögðum hefur samband haldist stöðugt. Það er okkur mikilvægt að tryggja öruggt símasamband fyrir Neyðarlínu, viðbragðsaðila og fólk sem þarf að ná í ástvini sína. Hugur okkar er allur hjá Grindvíkingum og fjölskyldum þeirra. Ásamt því að efla samband hefur starfsfólk okkar farið með spjaldtölvur í hjálparstöðvar í Kórnum til að stytta fólki stundirnar.