Geisli nýr umboðsaðili Vodafone í Vestmannaeyjum

VodafoneVodafone
20.10.2016 15:20



Raftækjaverslunin Geisli hefur tekið við sem umboðsaðili Vodafone í Vestmannaeyjum. Framvegis geta viðskiptavinir Vodafone í Eyjum því sótt alla þjónustu, jafnt tæki sem og fjarskiptaþjónustu, í verslun Geisla við Hilmisgötu. Geisli hefur jafnframt þegar tekið við uppsetningum og bilanaviðgerðum fyrir fjarskiptafélagið.

Geisli býr að langri sögu í Vestmannaeyjum en frá upphafi hefur fyrirtækið veitt alhliða rafvirkjaþjónustu jafnt einstaklingum og fyrirtækjum auk þess að reka í dag raftækjaverslunina við Hilmisgötu 4.

Björn Víglundsson, framkvæmdastjóri sölu og þjónustu:

„Það er okkur mikil ánægja að ganga til samstarfs við Geisla, rótgróið fyrirtæki í Eyjum. Að sama skapi þökkum við Sport & tækni fyrir samstarfið til þessa. Hjá Vodafone erum við stolt af öflugu neti umboðsmanna okkar um land allt. Við erum einstaklega ánægð með að Vestmannaeyjar séu áfram hluti af þessu þétta neti enda ófá fyrirtæki í Vestmannaeyjum á meðal viðskiptavina okkar. Geisli er gott og stöndugt fyrirtæki sem Eyjamenn þekkja vel og við hlökkum til komandi samstarfs.“

Pétur Jóhannsson verslunarstjóri Geisla:

„Við hjá Geisla erum mjög ánægð með að vera komin í samstarf við Vodafone enda öflugt alhliða fjarskiptafyrirtæki sem býður upp á margþætta þjónustu, jafnt fyrir einstaklinga sem og fyrirtæki. Vodafone er jafnframt eina fjarskiptafélagið á landinu sem veitir viðskiptavinum sínum ótakmarkaða þjónustu í Vestmannaeyjum. Við hlökkum til samstarfsins og bjóðum alla Eyjamenn velkomna í Geisla“.


Ítarefni: Ljósmynd frá undirritun samkomulags Vodafone og Geisla, f.v.:Einar Daníelsson (Vodafone), Pétur Jóhannsson (Geisli) og Hugi Halldórsson (Vodafone).