Verðlaunamyndir Guðmundar Arnars í Vodafone Sjónvarpi

Daníel TraustasonDaníel Traustason
01.09.2017

#einstaklingar #fyrirtæki #leigan #play #sjónvarp



Það er óhætt að segja að kvikmynd Guðmundar Arnars Guðmundssonar, Hjartasteinn, hafi slegið rækilega í gegn. Nú getur þú séð þessa frábæru íslensku mynd sem hlotið hefur einróma lof gagnrýnenda út um allan heim í Vodafone Sjónvarpi.

Hjartasteinn

Kvikmyndin Hjartasteinn hefur fengið verðskuldaða athygli og hlaut hún 9 Edduverðlaun fyrr á árinu – þ.a.m. sem besta myndin.

Ekki nóg með það heldur hefur hún þegar þessi orð eru rituð unnið til 37 alþjóðlegra verðlauna ásamt því að vera tilnefnd til Kvikmyndaverðlauna Norðurlandaráðs.

Hjartasteinn var einnig fyrsta íslenska kvikmyndin sem hefur unnið til verðlauna á kvikmyndahátíðinni í Feneyjum sem er ein elsta og virtasta hátíð í heimi.

Hvalfjörður og Ártún – margverðlaunaðar stuttmyndir

Það er ekki bara fyrir kvikmyndina sem Guðmundur hefur hlotið viðurkenningu um heim allan en stuttmyndir hans, Hvalfjörður og Ártún hafa einnig hlotið frábærar viðtökur.

Hvalfjörður hefur hlotið yfir 50 alþjóðleg verðlaun auk þess að fá Edduverðlaunin fyrir bestu stuttmyndina og tilnefningu til Evrópsku kvikmyndaverðlaunanna. Þá var hún fyrsta íslenska myndin sem vann til verðlauna á kvikmyndahátíðinni í Cannes. Ártún gefur Hvalfirði lítið eftir og hlaut yfir 20 alþjóðlegra verðlauna.

Sannarlega framúrskarandi árangur hjá Guðmundi Arnari.

Allar myndirnar í Leigunni og Vodafone PLAY

Allar þessar myndir eru nú komnar í Leiguna og Vodafone PLAY sem er fyrsta íslenska áskriftarveitan fyrir alla fjölskylduna í anda Netflix. Í Vodafone PLAY færðu ótakmarkaðan aðgang að íslenskum og erlendum kvikmyndum, tónleikum, barnaefni með íslensku tali, upplesnum ævintýrum fyrir þau yngstu og aðgang að barnaáskriftarveitunni Hopster. Þú horfir á það efni sem þig langar, þegar þér hentar, eins oft og þú vilt.

Það er einfalt að finna Vodafone PLAY í Vodafone Sjónvarpi, en það er aðgengilegt beint af forsíðu sjónvarpsviðmótsins. Einnig getur þú nálgast allt efnið í gegnum Vodafone PLAY appið sem má sækja hér.

Myndir Guðmundar koma á sama tíma í Leiguna þannig að engin ætti að láta þessar íslensku perlur framhjá sér fara.

Fáðu þér áskrift að Vodafone PLAY strax í dag.

Góða skemmtun!