Einungis erlent niðurhal mælt

Í netáskriftarpökkum Vodafone er innifalin gagnamagnsnotkun, allt frá 15 GB á mánuði upp í ótakmarkað gagnamagn. Þannig getur þú valið þér pakka í takt við þína notkun.

Einungis niðurhal frá erlendum aðilum er mælt. Ekki telst til erlendrar gagnamagnsnotkunar niðurhal milli internetviðskiptavina Vodafone eða umferð sem berst til Vodafone frá beinum samtengingum innlendra fjarskiptafélaga, þar með talið umferð um RIX.

Efni frá erlendum efnisveitum á borð við Google (þ.á.m. YouTube), Akamai og Netflix telst til erlends niðurhals. Slíkar efnisveitur eru að verða sífellt stærri hluti af netumferð, enda hefur framboð efnis frá þeim stóraukist og einnig gæði efnisins, svo sem upplausn myndbanda. Til að bæta gæði þessarar þjónustu og dreifa álagi á netkerfi er búnaður á Íslandi á vegum efnisveitanna.

Við þetta fá efnisveiturnar bandvídd, aðstöðu, þjónustu, rafmagn og íslenskar IP tölur. Því getur í sumum tilvikum litið út fyrir að netumferð sé innlend, þótt hún komi sannarlega frá erlendum aðilum á borð við YouTube.

Meira aukagagnamagn í stærri pökkum

Ef gagnamagnið klárast bætist sjálfkrafa við aukagagnamagn. Hægt er að afþakka sjálfvirkt aukagagnamagn á Mínum síðum. Því stærri sem netpakkinn þinn er, því meira aukagagnamagn færðu.

Verð sjálfvirka aukagagnamagnsins er það sama, óháð áskriftarleið. Sjá nánar í verðskrá.

Klárist aukagagnamagnið einnig bætist við annar jafnstór aukagagnamagnspakki. Slíkar sjálfkrafa viðbætur geta bæst við allt að þrisvar sinnum í hverjum mánuði. Eftir það er hægt á tengingunni og þá þarftu að hafa samband við þjónustuver viljir þú kaupa enn meira gagnamagn.
ÁskriftarleiðSjálfvirk viðbót
Internet Basic10 GB
Internet S / S+25 GB
Internet M / M+50 GB
Internet L / L+100 GB

Tilkynningar með tölvupósti

Þegar 80% af gagnamagni mánaðarins hafa klárast sendum við tilkynningu með tölvupósti og þá er hægt að gera ráðstafanir til að minnka gagnanotkun til mánaðamóta. Til þess þurfum við að hafa skráð netfang. Þú getur haft samband við þjónustuver okkar í 1414 eða með netspjalli til að skrá netfang eða athuga hvort rétt netfang sé skráð fyrir þinni tengingu.


Mældu þína gagnamagnsnotkun

Gagnamagnsnotkun hvers og ein getur verið mjög mismunandi. Ef þú ert ekki viss hvaða gagnamagnspakki hentar þér er gott ráð að mæla þína gagnamagnsnotkun. 

Mæla gagnamagn