Fyrirtækjalausnir

Fyrsta flokks netþjónusta fyrir sjófarendur

Vodafone hefur komið upp öflugu háhraða 4G netsambandi á helstu fiskimiðum við Íslandsstrendur. Með uppbyggingunni getur Vodafone veitt sjófarendum fyrsta flokks netþjónustu, sem eykur bæði öryggi og lífsgæði.

4G tæknin bætir gæði og upplifun sambands úti á miðunum auk þess að vera hagkvæmara fyrir sjávarútvegsfyrirtæki en aðrar lausnir sem hafa verið í boði á sömu svæðum. Mörg af stærstu sjávarútvegsfyrirtækjum landsins hafa valið Vodafone til að sinna fjarskiptaþjónustu sinni.

Öflug uppbygging allan hringinn

Uppbygging á 4G og 3G sjósambandi Vodafone hefur verið unnin í samstarfi við mörg af helstu sjávarútvegsfyrirtækjum landsins. Tekið hefur verið mið af þörfum sjófarenda og leitast við að tryggja öflugt og öruggt háhraðasamband þar sem þörfin er mest við Íslandsstrendur. 

Kerfið gagnast þó ekki einungis stærri útgerðum, heldur geta allir sem sækja sjóinn nýtt sér 4G samband Vodafone. Á myndinni hér til hliðar má sjá þjónustusvæðið eins og það er áætlað í árslok 2015. Á þjónustusvæðissíðunni má fá yfirlit yfir núverandi þjónustusvæði.

Traustur netbúnaður tryggir besta netsambandið

Sjósambandslausnum Vodafone fylgir fyrsta flokks 4G netbúnaður sem er tengdur við loftnet til að tryggja hámarksgæði tengingar. Hægt er að tengja fjölda tækja á borð við snjallsíma og spjaldtölvur við búnaðinn og þannig deila sambandinu milli margra í einu.

Ef óskað er eftir er hægt að stilla tenginguna þannig að hún mæli sérstaklega notkun hvers einstaklings um borð. Fjöldi gagnamagnspakka er í boði sem hægt er að velja í takt við áætlaða notkun.