Brekkusöngurinn á Þjóðhátíð þann 6 ágúst verður aðgengilegur í beinu streymi á myndlyklum Vodafone og vefsjónvarpi Stöðvar 2. Útsending hefst kl 20:00 og dagskrá hefst kl 21:00. Einnig verður klukkutíma útsending öllum opin á samfélagsmiðlum Vodafone og Stöðvar 2.

Nú er hægt að taka þátt í brekkusöngnum hvar sem er, heima í stofu, í sumarbústað, í útilegunni eða frá sólarströndinni. Hægt er að kaupa aðgang að streyminu á myndlyklum Vodafone og vefsjónvarpi Stöðvar 2. Allar upplýsingar um streymið má finna á heimasíðu og samfélagsmiðlum Vodafone.

Dagskrá kvöldsins:
20:00 – Upphitun
21:00 – Bríet
21:40 – Jón Ólafs og vinir: Björn Jörundur, Daníel Ágúst, Eyjólfur Kristjánsson og Hildur Vala. Stuðlabandið sér um undirspil.
23:00 – Brekkusöngur – Magnús Kjartan
00:00 – Blys

Magnús Kjartan Eyjólfsson, forsöngvari og gítarleikari Stuðlabandsins mun stýra brekkusöngnum aftur þetta árið - og allir geta sungið með hvar sem þeir eru í heiminum.

Leiðbeiningar:

Hvernig kaupi ég tónleikana í gegnum myndlykil frá Vodafone?

1. Með því að ýta á rauða hnappinn með Vodafone merkinu á fjarstýringunni og fara þannig í valmynd á myndlykli. Þar ættu tónleikarnir að birtast undir Viðburðir ef flett er örlítið niður í valmynd.
2. Velja viðburðinn, samþykkja skilmála og staðfesta kaup.
3. Með því að staðfesta kaup virkjast tímabundin opnun á rás 900. Þú gætir þurft að endurræsa myndlykilinn þinn.
4. Viðburðinn verður aðgengilegur á rás 900 og mun sú rás opnast fljótlega eftir að kaup hafa verið kláruð.
5. Kaupin munu birtast á fjarskiptareikningi þínum um næstu mánaðamót.

Hvernig horfi ég á tónleikana í Stöð 2 appinu?

1. Það þarf að fara inn á vefsjónvarp Stöðvar 2 og skrá sig þar inn með sama aðgang og notaður er í appinu.
2. Tónleikarnir eru undir Viðburðir á forsíðunni í valmyndinni.
3. Tónleikarnir verða aðgengilegir á rásinni „Brekkusöngur 2023“ í Stöð 2 appinu. Hún opnast á tónleikadeginum.

Spurt og svarað

Get ég spólað til baka eða pásað útsendinguna í myndlykli Vodafone?
Já, hægt er að spóla til baka og pása á meðan útsendingu stendur.

Hvar get ég fengið tæknilega aðstoð sem varðar myndlykil Vodafone?
Þú getur haft samband við þjónustuver Vodafone hér.

Verða tónleikarnir aðgengilegir í tímavél í myndlykil Vodafone?
Já, þeir verða aðgengilegir í 48 klst eftir að tónleikum lýkur í gegnum tímavél Vodafone í myndlykli. Eftir það verður ekki hægt að horfa á tónleikana, nema með því að kaupa þá aftur í gegnum leiguna í myndlyklinum.

Verða tónleikarnir aðgengilegir í tímavél í Stöð 2 appinu?
Nei, tónleikarnir verða ekki aðgengilegir í gegnum tímaflakk í Stöð 2 appinu.

Get ég notað Stöð 2 appið?
Já, hægt verður að horfa á tónleikana í gegnum appið með því að kaupa miða fyrst í gegnum myndlykil eða í gegnum sjonvarp.stod2.is. Viðburðurinn opnast í Stöð 2 appinu á tónleikadeginum. Sjá nánari leiðbeiningar ofar í þessari frétt.

Get ég keypt miða í gegnum myndlykilinn minn?
Já, viðburðurinn ætti að birtast í viðmóti í myndlykli. Sjá nánari leiðbeiningar um kaup á viðburði með myndlykli ofar í þessari frétt.