Eldgosið við Litla-Hrút hefur vakið gífurlegan áhuga bæði hjá Íslendingum og á erlendri grundu. Margir hafa og ætla að heimsækja gosstöðvarnar og ekkert lát virðist vera á hraunflæði á svæðinu. Hlutverk Vodafone þegar kemur að náttúruhamförum, líkt og eldgosi er að tryggja örugg fjarskipti á svæðinu, þá fyrir viðbragðsaðila, vísindafólk og auðvitað viðskiptavini. Um leið og vart varð við gos var farið í að efla farsímaþjónustu á svæðinu og settur var upp fjarskiptabúnaður sem snýr að gossvæðinu á Kálfatjörn og einnig uppi á Þorbirni. Að því var staðið í samstarfi við Neyðarlínuna, Almannavarnir og önnur fjarskiptafélög. Þessir sömu aðilar eru einnig að skoða uppsetningu á nýjum sendastöðum nær gosstöðvunum, sendastaði sem eiga að bæta farnet á gönguleiðum sem liggja að gossvæðinu. Með þessum aðgerðum er verið að tryggja örugg fjarskipti á svæðinu fyrir alla þá sem leggja leið sína að gosstöðvunum.

Við minnum alla sem huga að göngu að gosstöðvunum að vera vel búin, fylgjast með upplýsingum um veður og nýta sér þær upplýsingar sem finna má hér:
Nýtt vefsvæði almannavarna
Góð ráð fyrir gönguferðina á Reykjanes