Heimsins mikilvægasta kvöld

Sigurður Amlín MagnússonSigurður Amlín Magnússon
05.04.2022

 

Þann 2. apríl var söfnunar- og skemmtiþátturinn Heimsins mikilvægasta kvöld sýndur beint frá höfuðstöðvum Vodafone að Suðurlandsbraut 8 og stúdíó RÚV að Efstaleiti.

Á hverjum degi sér UNICEF árangur af sínu starfi - árangur sem hefur bein áhrif á líf barna vítt og breitt um heiminn. Markmið UNICEF var að fjölga heimsforeldrum sem taka þátt í að bæta líf barna á heimsvísu. Heimsforeldrar hjálpa börnum um allan heim og standa vörð um réttindi þeirra.

Vodafone hefur tekið þátt í söfnunarþáttum með UNICEF áður og hefur myndast ákveðin hefð og þekking innan félagsins við að leggja sitt af mörkum við slík tilefni. "Við erum stolt af okkar aðkomu að verkefninu og vonum að UNICEF hafi náð þeim markmiðum sem þau lögðu upp með" - Kristín Björk, Forstöðumaður Einstaklingsþjónustu hjá Vodafone og Stöð 2.

Við viljum þakka UNICEF og RÚV fyrir skemmtilegt kvöld, þakka öllum þeim sem lögðu sitt að mörkum og að sjálfsögðu öllum heimforeldrum landsins.

Komdu í hóp heimsins bestu foreldra.