Með öryggi að leiðarljósi viljum við tryggja viðskiptavinum okkar traust og öruggt símasamband. Slökkt verður því á eldri heimasímatengingum viðskiptavina Vodafone þann 4. apríl næstkomandi.

Lokun þjónustunnar kemur til vegna tæknilegra breytinga en heimasímaþjónustan byggir á gamalli tækni sem gæti hamlað nauðsynlegu viðhaldi ef upp kæmu alvarlegar bilanir. Er þetta því liður í öryggisuppfærslum á fjarskiptakerfum félagsins.

Fyrir þá viðskiptavini sem vilja halda heimasímaþjónustu áfram er lítið mál að tengja þjónustuna yfir netbeini fremur en í gegnum eldri koparlínur. Okkar starfsfólk getur aðstoðað viðskiptavini vegna þessa í síma 1414, á netspjalli Vodafone eða í gegnum netfangið hjalp@vodafone.is.