Vodafone

Eyjatónleikar í beinni heima í stofu

VodafoneVodafone
04.05.2021

Eyjatónleikar með sumarlegu ívafi í beinu streymi. Á sama tíma – á sama stað, beint frá Hörpu laugardagskvöldið 15.maí kl 20:00.

Þarna verða fluttar margar perlur íslenskrar dægurtónlistar af hreint frábærum listamönnum. Jón Jónsson, Friðrik Dór, Ingó Veðurguð, Sigga Beinteins, Matti Matt, Katrín Halldóra og Alexander Jarl munu sjá um sönginn ásamt Kristjáni Gísla og Ölmu Rut og Jón Ólafsson stýrir stórhljómsveitinni sem sér um undirleikinn.

Miðakaup fara í gegnum myndlykil Vodafone eða í gegnum vefsjónvarp Stöðvar 2, ef horfa á í Stöð 2 appinu. Því er ekki hægt að kaupa miða á tix.is né Harpa.is til að horfa á í gegnum myndlykil Vodafone né vefsjónvarp Stöðvar 2.

Nánari leiðbeiningar um má sjá hér fyrir neðan.

Ef einhverjar spurningar vakna á tónleikadegi getur þú haft samband við okkur á netspjallinu til kl. 20:30. Þér er einnig velkomið að heyra í okkur á hefðbundnum opnunartíma þjónustuvers milli kl. 9-17 virka daga og við aðstoðum þig við að kaupa miða á tónleikana.

Góða skemmtun!

 

Leiðbeiningar:

Hvernig kaupi ég tónleikana í gegnum myndlykil frá Vodafone?

1. Með því að ýta á rauða hnappinn með Vodafone merkinu á fjarstýringunni og fara þannig í valmynd á myndlykli. Þar ættu tónleikarnir að birtast undir Viðburðir ef flett er örlítið niður í valmynd.
2. Velja viðburðinn, samþykkja skilmála og staðfesta kaup.
3. Með því að staðfesta kaup virkjast tímabundin opnun á rás 900. Þú gætir þurft að endurræsa myndlykilinn þinn.
4. Viðburðinn verður aðgengilegur á rás 900 og mun sú rás opnast fljótlega eftir að kaup hafa verið kláruð.
5. Kaupin munu birtast á fjarskiptareikningi þínum um næstu mánaðamót.

Hvernig horfi ég á tónleikana í Stöð 2 appinu?

1. Það þarf að fara inn á vefsjónvarp Stöðvar 2 og skrá sig þar inn með sama aðgang og notaður er í appinu.
2. Tónleikarnir eru undir Viðburðir á forsíðunni í valmyndinni.
3. Tónleikarnir verða aðgengilegir á rásinni „Á sama tíma - á sama stað“ í Stöð 2 appinu. Hún opnast á tónleikadeginum.

Spurt og svarað

Get ég spólað til baka eða pásað útsendinguna í myndlykli Vodafone?
Já, hægt er að spóla til baka og pása á meðan útsendingu stendur.

Hvar get ég fengið tæknilega aðstoð sem varðar myndlykil Vodafone?
Þú getur haft samband við þjónustuver Vodafone hér.

Verða tónleikarnir aðgengilegir í tímavél í myndlykil Vodafone?
Já, þeir verða aðgengilegir í 48 klst eftir að tónleikum lýkur 15. maí í gegnum tímavél Vodafone í myndlykli. Eftir það verður ekki hægt að horfa á tónleikana, nema með því að kaupa þá aftur í gegnum leiguna í myndlyklinum.

Verða tónleikarnir aðgengilegir í tímavél í Stöð 2 appinu?
Nei, tónleikarnir verða ekki aðgengilegir í gegnum tímaflakk í Stöð 2 appinu.

Get ég notað Stöð 2 appið?
Já, hægt verður að horfa á tónleikana í gegnum appið með því að kaupa miða á sjonvarp.stod2.is. Rás 900 mun opnast 15. maí. Sjá nánari leiðbeiningar ofar í þessari frétt.

Get ég keypt miða í gegn um myndlykilinn minn?
Já, viðburðurinn ætti að birtast í viðmóti í myndlykli. Sjá nánari leiðbeiningar um kaup á viðburði með myndlykli ofar í þessari frétt.

Það er einfalt að koma yfir til Vodafone

Fáðu tilboð hjá okkur í síma, internet eða sjónvarp. Fyrir þig eða alla fjölskylduna. Besti díllinn gæti verið handan við hornið.