Vodafone PLAY appið

Hafðu sjónvarpið við höndina

Vodafone PLAY appið er sjónvarpsapp fyrir snjallsíma og spjaldtölvur sem allir geta notað án endurgjalds. Með Vodafone PLAY appinu getur þú horft á sjónvarpsútsendingar, notað tímavél til að flakka í dagskránni og pantað frelsisefni sjónvarpsstöðvanna. Einnig geta áskrifendur af Vodafone PLAY, Cirkus og Hopster nálgast sjónvarpsefni viðkomandi áskriftarveita í appinu.

 

Aðgerðir í appinu

  • Allir geta horft á opnar sjónvarpsstöðvar
  • Allir geta horft á RÚV frelsi

Þeir sem eru með áskrift að eftirfarandi efni geta líka horft á:

Helstu kostir Vodafone PLAY appsins

Einfalt í notkun

Það er auðvelt að nota Vodafone PLAY appið. Þú byrjar á að sækja það og setja upp í snjallsímanum eða spjaldtölvunni. Það geta allir notað appið, hvort sem þeir eru í viðskiptum hjá Vodafone eða öðru fjarskiptafélagi. Viðmótið er bæði einfalt og þægilegt í notkun.

Horfðu hvar og hvenær sem er

Með Vodafone PLAY appinu getur þú tekið sjónvarpið með þér hvert á land sem er og jafnvel út fyrir landsteinana. Nú þarf fjölskyldan ekki lengur að slást um fjarstýringuna heldur geta fjölskyldumeðlimir nú einnig horft á sjónvarpið í snjalltækinu.

Fjölbreytt úrval sjónvarpsefnis

Notendur geta á einfaldan hátt valið milli þess að horfa á línulegt sjónvarp, frelsisefni sjónvarpsstöðvanna, ásamt öllu því úrvali sem Vodafone PLAY, Cirkus og Hopster hafa upp á að bjóða. Einnig er hægt að horfa á „Mitt efni“ - efni sem þú hefur nýlega pantað í appinu eða með myndlyklinum.

Tímavél

Með tímavél er hægt að flakka allt að þrjár klukkustundir til baka í sjónvarpsútsendingunni. Sé efni pantað í Vodafone PLAY í appinu er hægt að stöðva áhorf, færa sig yfir í sjónvarpið og horfa frá þeim stað sem spilun var hætt.