Vodafone kynnir 5G

5G er nýjasta og hraðasta kynslóð farsímanetsins. Það mun veita okkur miklu hraðari gagnaflutning en kerfin sem við búum við núna. Vodafone hefur nú hafið uppbyggingu 5G kerfis á Íslandi, sem þýðir að þú munt fljótt geta upplifað mikla aukningu á hraða og flutningsgetu í öruggu farsímakerfi. 

 

Meiri hraði

Meiri og jafnari hraði á farsímaneti. Spilaðu netleiki með fjölda fólks hvar sem er og náðu í kvikmyndir á nokkrum sekúndum.

Meiri flutningsgeta

Öruggur og hnökralaus gagnaflutningur og símtöl á fjölmennustu stöðum, eins og á tónlistarhátíðum og knattspyrnuvöllum.

Engar tafir

Nýja 5G netið getur svarað öllum daglegum þörfum þínum. Horfðu, hringdu og spilaðu hvar sem er án truflana.

Hvað er 5G?

5G er skammstöfun fyrir 5. kynslóð farsímanets. Það er alveg nýr innviður í samskiptakerfi landsins og mun tryggja betri notendaupplifun og ný tækifæri á farsímaneti.

Þrátt fyrir að 4G netið okkar sé eitt það hraðasta í heiminum, þá mun 5G netið veita enn meiri afköst og hraða - 5G netið mun verða allt að 10 sinnum hraðara en gamla 4G netið.

En 5G er ekki bara hraðari útgáfa af 4G. Ólíkt gamla netinu mun 5G bjóða upp á að að tengja gríðarlegan fjölda mismunandi tækja á vefnum - á sama tíma. 5G netið getur séð um milljarða tengdra tækja. Og þá erum við ekki bara að tala um farsíma, heldur allt frá bílum til bílastæðaskynjara, lækningatækja og heilla verksmiðja.

Hvað mun 5G leggja til samfélagsins?

Með 5G tækninni opnast haf nýrra tækifæra í iðnaði og mikilvægum samfélagslegum greinum. Allt er mögulegt! Til dæmis mun vera hægt að tengja, greina og straumlínulaga svo sem skynjara, vélar og gagnagrunna á alveg nýja vegu. Þá mun vera hægt að búa til samskiptanet á milli ótal tækja og er það forsenda aukinnar sjálfvirknivæðingar t.d í heilbrigðisþjónustu, landbúnaði og annarskonar iðnaði. 5G tæknin mun bjóða upp á mikla möguleika á sérsniðnum lausnum og mun tryggja enn meira öryggi, áreiðanleika og skilvirkni á hinum ýmsu sviðum samfélagsins.

Hversu hratt er 5G?

5G netið mun verða allt að 10 sinnum hraðara en gamla 4G netið. Hraði og flutningsgeta 5G þýðir að þegar netið þróast verður mögulegt að skiptast á miklu magni af gögnum fram og til baka í rauntíma - í reynd án tafar.

Þetta þýðir til dæmis að sjálfkeyrandi bílar geta sent gögn um umhverfi sitt sem greind eru í skýinu og send strax til baka, á sama tíma og bíllinn hefur einnig samskipti við önnur ökutæki og gagnaheimildir í umferðinni. Bíllinn verður því ekki aðeins með „augu í hnakkanum“ - heldur augu alls staðar í vegakerfinu.


Spurt og svarað um 5G

Hver er ávinningur af 5G fyrir neytendur?

Fyrir hinn almenna neytanda verður helsti kostur 5G tækninnar meiri hraði og aukin afköst. Það mun vera hægt að búa til samskiptanet á milli tækja á heimilinu svo hægt sé að stjórna þeim í rauntíma, hlaða niður kvikmyndum í háskerpugæðum á nokkrum mínútum og spila tölvuleiki hvar sem er. Með aukinni útbreiðslu 5G munu heimili sjá sér fært að færa nettenginguna yfir á 5G netið sem felur í sér aukin þægindi, t.d. verður ekki lengur þörf að tengja netbeini á ákveðnum stað heldur verður hægt að staðsetja hann hvar sem er í rýminu.

Hvenær mun 5G koma og hvernig fæ ég það?

Þann 1. september virkjaði Vodafone fyrsta 5G sendinn. Ætlunin er að byggja upp 5G net á höfuðborgarsvæðinu af miklum krafti á næstu 2 árum með tilheyrandi nýjum möguleikum fyrir heimili og fyrirtæki.

Vodafone starfrækir í dag öflugt 4G kerfi sem nær til 99,7% landsmanna og mun áfram vera unnið að uppbyggingu þess samhliða 5G.

Þar sem milljónir nýrra tækja munu tengjast við internetið á næstu árum þá munum við þurfa getu til að auka 5G dreifingu. Þetta mun einnig létta 4G netið - sem mun því einnig hafa góða getu og halda áfram að vera mjög hratt.

Hvaða breytingar eru framundan?

Ómögulegt er að spá fyrir um hvað 5G muni þýða fyrir farsímanotkun okkar á næstu árum. En við þurfum ekki að bíða lengi eftir framtíðinni.

Sem stendur er það til jafns ímyndunaraflið og tæknin sem setja mörkin fyrir hvað er hægt að gera með 5G. Þegar fyrstu snjallsímarnir komu á markaðinn og þegar 4G netið var opnað gat enginn séð fyrir hvað þessar nýjungar myndu breyta lífi okkar. Það sama á við um 5G.

Hvaða símar styðja 5G?

Í dag eru nokkrir farsímar sem eru tilbúnir til þess að taka á móti 5G merki, þ.m.t. nýjustu flaggskipssímar Samsung Galaxy í S20 seríunni:

Samsung Galaxy Note 20
Samsung Galaxy Note 20 Ultra
Samsung Galaxy S20+
Samsung Galaxy S20 Ultra
OnePlus 8
OnePlus 8 Pro
One Plus Nord

Er 5G öruggt?

Vodafone tekur öryggi viðskiptavina sinna, almennings og umhverfisins mjög alvarlega. Við förum eftir innlendum reglugerðum og alþjóðlegum viðmiðunarreglum til að tryggja að farsímar og tæknin á bak við þá sé örugg og munum við halda áfram að gera það í uppbyggingu á 5G neti okkar.

Mikið hefur verið rætt um hugsanleg áhrif 5G á heilsu fólks en engar rannsóknir hafa sýnt fram á áhrif 5G á heilsu fólks frekar en fyrri kynslóðir farsíma og farneta.